ලෝඩ්ස් පිටියේ දී සටන ඇරඹී ඇත. මුල් දිනය අවසානය. එංගලන්ත කණඩායම වැඩි ගෞරව සහිතව මුල් ඉනිමේ දී ඉහළම තැනක ය. ජෝ රූට් ගේ විශිෂ්ඨ ශතකය එංගලන්ත කණ්ඩායම උඩටම රැගෙන ගියේය. නොදැවී ලකුණු 74ක් සහිතව ගස් එට්කින්සන් හිමිහිට ශතකයක් කරා ගමන් කරමින් ඇත. මුල් දිනයේ කඩුළු 7ක් පමණක් දැවී ලකුණු 358ක් ලබනවා කියන්නේ සුවල්ප තර්ජනයක් නොවේ. ඒ තර්ජනය අප අභිමුව ය.
තරගය
කාසියේ වාසිය දිනුවේ ශ්රි ලංකා කණ්ඩායමය. ශ්රී ලංකා ක්රීඩකයින් මුලින්ම පන්දු රැකීම තේරුවේය. ශ්රී ලංකා කණ්ඩායම අද ක්රීඩා කරන්නේ කුසල් මෙන්ඩිස් වෙනුවට අංක 3 පිතිකරු ලෙස පැතුම් නිශ්ශංක කැඳවාගෙනය. ඇඟිල්ලක ආබාධාය යන්තම් නිවැරදි කරගෙන අද තරගයට එක් වුන දිනේෂ් චන්දිමාල් වෙනුවට ආරම්භක පිතිකරු නිශාන් මධුශ්ක කඩුළු රකින වගකීම දැරුවේය.
තරගය ආරම්භ වී මුල් ඕවර 10 තුළ ශ්රි ලංකා පන්දු යවන්නො දැඩි පීඩනයක් එල්ල කරමින් පන්දු යැවීම සිදුකළහ. ආරම්භක පිතිකරු ඩෑන් ලෝරන්ස් ලහිරු කුමාරගේ පන්දුවකට කඩුළු රකින ක්රීඩක නිශාන් මධුශ්කට උඩ පන්දුවක් දී ලකුණු 09කට දැවී යන්නේය. ඉන් පසු අසිත ප්රානාන්දු එවූ පන්දුවකට ධනංජය ද සිල්වා අතට උඩ පන්දුවක් දී ඔලේ පෝප් දැවී යන්නේ එක ලකුණකටය. එංගලන්ත කණඩායම ලකුණු 42ක් වනවිට කඩුළු 02ක් දැවී ගොස්ය. තුන්වන කඩුල්ල ලෙස ප්රභාත් ජයසූරියගේ පන්දුවකට හතරේ සීමා අසල පන්දු රකිමින් සිටි ලහිරු කුමාර අතට උඩපන්දුවක් දී බෙන් ඩොකට් ලකුණු 40කට දැවී යන්නේ එංගලන්ත කණඩායමේ මුළු ලකුණු ගණන ලකුණු 82ක් තිබියදී ය.
එතැන් සිට එක් අන්තයක් ජෝ රූට් අත්පත් කරගන්නේය. ඔහු දියත් කළ විචිත්ර පිති ප්රහාරය අද ලෝඩ්ස් පිටිය වර්ණවත් කළ බව ලියා තැබිය යුතුය. ජෝ රූට් පන්දු 203ක් මුහුණ දෙමින් හතරේ පහර 18ක් සමග ලබා ගත් ලකුනු 143 නර්තනයක් තරම් අලංකාර වූයේය. අංක 08 ක්රීඩකයා ලෙස පිටියට පැමිණ මේ වනවිට නොදැවී විශිෂට පිතිකරණයක යෙදෙන ගස් එට්කින්සන් ලකුණු 74 ලබන්නේ හතරේ පහර 5ක් සහ හයේ පහර 4ක් සමගිනි. අංක 09 ක්රීඩක මැතිව් පොට් මේ වනවිට ලකුණු 20ක් නොදැවී ලබාගෙනය. මේ දෙදෙනා 08වන කඩුල්ල වෙනුවෙන් ගොඩ නගන නොබැඳුන සම්බන්ධතාවය මේ වනවිට ලකුණු 50කි.
පන්දු යැවීමේ දි වේග පන්දු යවන්නන් තිදෙනාම එනම් අසිත ප්රනාන්දු, මිලාන් රත්නායක, ලහිරු කුමාර කඩුළු 02ක බැගින් ලබාගෙනය. ප්රභාත් ජයසූරිය එක් කඩුල්ලකි.
