ඔස්ට්රේලියා කාන්තා ක්රිකට් හි ප්රභල භූමිකා්වක් නිරූපණය කරමින් සිටි වික්ටෝරියා කාන්තා කණ්ඩායමේ පුහුණුකරු ශ්රී ලංකා හිටපු ටෙස්ට් ක්රිකට් ක්රීඩක දුලිප් සමරවීර ක්රීඩිකාවකට බරපතල විෂමාචාරයක් සිදු කළ බවට චෝදනා එල්ල වීමෙන් පසු ඔහුට එරෙහිව ඔස්ට්රේලියා ක්රිකට් පාලක මණ්ඩලය විශේෂ විනය පරීක්ෂණයක් කැඳවා ඇතැයි මේල් ඔන් ලයින් වාර්තා කරයි.
“හෙරල්ඩ් සන්” විසින් ප්රථම වරට වාර්තා කළ පරිදි, වික්ටෝරියා ප්රාන්තයේ හිටපු කාන්තා ක්රිකට් පුහුණුකරු දුලීප් සමරවීරට එරෙහිව ඔස්ට්රේලියා වෘත්තීය ක්රිකට් ක්රීඩිකාවකට මෙම බරපතල විෂමාචාර ක්රියාව සිදුකිරීම සම්බන්ධයෙන් චෝදනා එල්ල වී තිබේ.
ඔස්ට්රේලියානු ක්රිකට් ආයතනය මේ සම්බන්ධයෙන් කටයුතු කරමින් සිටින අතර, එම ආයතනයම වාර්තා කරන්නේ චර්යාධර්ම සංග්රහයට අදාල පරීක්ෂණයක් ඉදිරියේදී පැවැත්වෙනු ඇති බවය.
52 හැවිරිදි දුලිප් සමරවීර ඔස්ට්රේලියානු A කාන්තා කණ්ඩායම ඉන්දීය A කණ්ඩායමට එරෙහිව පැවැත්වෙන තරඟාවලියේදී පුහුණුකරු තනතුරක් දැරීමට නියමිතව සිටි නමුත් මෙම විෂමාචාර චෝදනා අනාවරණය වීමත් සමඟම එම තනතුරින් ඉවත් වි ඇත.
“ ක්රිකට් ආයතනයට දැනට මේ සම්බන්ධව ක්රියාත්මක වන බැවින් ක්රිකට් ක්රියාදාමයන් පිළිබඳව ප්රකාශයක් කිරීමට ක්රිකට් වික්ටෝරියා වෙත නොහැකි වී ඇත, අපි නියමිත වේලාවට නඩු කටයුතු පිළිබඳව අදහස් දක්වන්නෙමු,” ක්රිකට් වික්ටෝරියා ප්රධානී නික් කමින්ස් හෙරල්ඩ් සන් වෙත පවසා තිබේ.
ක්රීඩකයෙකු ලෙස විශ්රාම ගැනීමෙන් පසු දුලිප් සමරවීර ඕස්ට්රේලියාවට ගිය අතර එහිදී ඔහු දශකයකට වැඩි කාලයක් පුහුණුකරු ලෙස කටයුතු කළේය.
ඔහු ශ්රී ලංකා කණ්ඩාම වෙනුවෙන් ටෙස්ට් තරග පහකට සහ එක්දින තරග හතකට ක්රීඩා කළේය.
සමරවීර වික්ටෝරියා කාන්තා කණ්ඩායමේ මෙන්ම Women’s Big Bash League හි Melbourne Stars කණ්ඩායමේ සහය පුහුණුකරුවෙකු ලෙස කටයුතු කර ඇත.
