දිනසේන රතුගමගේ –
ඊයේ (09) වවුනියාව -හොරොව්පතාන මාර්ගයේ වෙලිකුලම් ප්රදේශයේදී පොලිස් විශේෂ කාර්ය බලකායේ ජීප් රථයක් ගවයෙකුගේ ගැටීම නිසා සිදුවූ අනතුරකින් ජීප් රථයේ ගමන් කළ පොලිස් විශේෂ කාර්ය බලකායේ නිලධාරීන් දෙදෙනෙකු මරුමුවට පත්වී තවත් හත් දෙනෙකු තුවාල ලබා තිබේ.
තුවාලකරුවන් වවුනියාව මහ රෝහලට ඇතුළත් කොට තිබේ.
මෙම සිද්ධියෙන් මියගොස් මෙම සිද්ධියෙන් මියගොස් ඇත්තේ පොලිස් විශේෂ කාර්ය බලකායේ මඩුකන්ද කදවුරේ සේවය කළ මැදවච්චිය දුම්රිය නගරයේ පදිංචි පොකො 38778 යාපා මුදියන්සේලාගේ සුපුන් ප්රදීපන හා කුරුණෑගල කුඹුක්වැව කිරිමැටියාව පදිංචි පො.කො. 27287 හේරත් මුදියන්සේලාගේ හසිත දිනේෂ මධුසංක නැමති නිලධාරීන් දෙදෙනෙකි.
මඩුකන්ද කදවුරේ නිලධාරීන් පිරිසක් රාත්රී 10 ට පමණ වවුනියාව නගරය දෙසට එම ජිප් රථයේ ගමන් කරමින් සිටියදී වර්ෂාව නිසා මහා මාර්ගයේ නිදා සිටි ගවයින් කුලප්පු වී පාරේ එහා මෙහා ගොස් තිබේ. එක් ගවයෙකු ජීප් රථයේ ගැටීමෙන් මෙම අනතුර සිදු වී අති අතර ජීප් රථයේ ගැටුණු ගවයාද එම ස්ථනයේදීම මිය ගොස් ඇත.
මේ අවස්ථාවේදී ජීප් රථය රියදුරාගේ පාලනයෙන් ඉවත්ව ගොස් අසල වූ තාප්පකය ගැටී ඇති අතර ජිප් රථයට දැඩි ලෙස හානි සිදුව තිබේ.
මෙම අනතුර සම්බන්ධයෙන් වවුනියාව පොලිසිය පරීක්ෂණ ආරම්භ කොට තිබේ.
