දිනසේන රතුගමගේ –
රුපියල් පන්දහසේ ව්යාජ මුදල් නෝට්ටු හයක් සහ මුදල් මුද්රණය කිරීමට යොදා ගත් පරිගණකයක් හා තවත් උපාංග කීපයක් සමග සැකකරුවකු යාපනයේ තිරුණවේලී ප්රදේශයේදී කෝපායී පොලීසිය විසින් 9 දා අත් අඩංගුවට ගෙන තිබේ.
මෙම සැකකරු කොළඹ සිට යාපනයට පැමිණ තිරුණවේලී ප්රදේශයේ කාමරයක් කුළියට ගෙන එහි නතර වී සිට මෙම ව්යාජ මුදල් නෝට්ටු මුද්රණය කොට තිබේ.
යාපනය නගරයේ වෙළද සලකට ලැබුණු රුපියල් පන්දහසක නෝට්ටුවක් පිළිබදව ඇති වූ සැකයක් මත එම නෝට්ටුව රැගෙන ආ පුද්ගලයාගෙන් පොලීසිය ප්රශ්න කිරීමේදී එම නෝට්ටුව හුවමාරු වූ පුද්ගල අනුපිලිවෙල මත පරීක්ෂණ පවත්වා ඇත. එසේ පරීක්ෂණ පැවැත්වීමේදි ව්යාජ ලෙස මුදල් නෝට්ටු මුද්රණය කළ ස්ථානය සොයා ගැනීමට පොලීසියට හැකි වී තිබේ.
සැකකරු කෝපායී පොලීසිය විසින් යාපනය අධිකරණය වෙත ඉදිරිපත් කිරීමට පියවර ගෙන ඇත.
