හෙට (15) පැවැත්වෙන වනසතුන් සංගණනය අතිශයින්ම වැදගත් ප්රවේශයකට අවශ්ය දත්ත ගොනු සපයා ගැනීම වෙනුවෙන් ප්රවේශයක් සලසන බවත් ඒ සඳහා සැමගේම සහයෝගය ලබා දිම වටිනා බවත් පේරාදෙණිය විශ්ව විද්යාලයේ පශු වෛද්ය අංශයේ ප්රධානි මහාචාර්යය අශෝක දංගොල්ල සඳහන් කරයි.
පාර්ලිමේන්තුවේ ඇතැම් මන්ත්රීවරුන් මෙම සංගණනය හාස්යයට ලක්කරමින් කථා කිරිම කණගාටුවට කරුණක් බව පෙන්වා දෙන මහාචාර්යවරයා එසේ හාස්ය්යට ලක් කරන්නේ මේ ප්රවේශය තුළ ඇති විද්යාත්මක පදනම සම්බන්ධයෙන් ඇති අනවබෝධය නිසා බව ද පෙන්වා දෙයි.
දියුනු රටවල වන සතුන් සම්බන්ධයෙන් තීන්දු තීරණ ගැනීමට සංගණනයන් සිදුකරන බවත් එම සංගණනයන් මගින් රටටත් රටේ පරිසර පද්ධතියට මෙන්ම ආර්ථිකයටත් වැදගත් තීන්දු ගත හැකි බවත් මහාචාර්යවරයා පෙන්වා දෙයි.
රිලවුන්, වඳුරන්, මොණරුන් හා දඬුලේනුන් ඉලක්ක කර ගනිමින් හෙට පැවැත්වෙන සංගණනයට සහයෝගය ලබාදිය යුතු කණ්ඩායම් එම සහයෝගය ලබාදිම ඉතාමත් වටිනා කාර්යයක් යැයිද මහාචාර්යයරටා පවසා සිටියි.
