-
පිට පිට පරදිද්දී තරුණ ක්රීඩිකාවන්ට පීඩනය නොදී පීඩනය තමන් වෙත හරවාගෙන රට වෙනුවෙන් ජයග්රහණයේ අභියෝගය අත් නොහළ සැබෑ නායිකාවක් කියන කතාව…
හෙට (09) ඉන්දියාව සමග පැවැත්වෙන තරගය තම ජීවිතයේ වටිනාම තරගයක් බවත්, මුල් තරග දෙකේ අපේක්ෂා බිඳ ගත්තත් හෙට දින පැවැත්වෙන තරගය නරඹන්නට පැමිණ ඉදිරියේ ඇති තීරණාත්මක අවස්ථාව රට වෙනුවෙන් බෙදා ගන්නට එක්වන ලෙසත් ශ්රී ලංකා කාන්තා ක්රිකට් කණ්ඩායමේ නායිකා චමරී අතපත්තු ඉල්ලා සිටියාය.
ඇය පැවසුවේ ඉදිරි තරග දෙක ජයග්රහණය අනිවාර්ය බවය. ඒ අර්ථයෙන් අවසන් පූර්ව වටයට පිවිසීමේ අවස්ථාව මුලුමනින්ම බිඳවැටී නැති බවය. දැඩි පීඩනයක් තමන් වෙත එල්ල වී ඇති නමුත් එම පීඩනය කළමනාකරණය කිරීමට තමන් බෙහෙවින්ම කැමති බව කී චමරි තමන් ඒ අභියෝගය රට වෙනුවෙන් භාරගන්නා බව කීවාය.
.තරගයට පෙර මාධ්ය අමතමින් චමරී මෙසේ ද පැවසුවාය.
“අපි පහුගිය තරග දෙකේ බෙස්ට් ක්රිකට් එක කළේ නෑ. ලොකුම වගකිම තියෙන්නේ මට ආරම්භක පිතිකාරිනනිය හැටියට. ඒත් මට ඒ තරග දෙකේම ස්ටාර්ට් එක දෙන්න බැරි වුනා. මගේ ෆේලියර් එක
දැන් ප්රෙෂර් එකක් ඇවිත් තියනවා. මම ආසයි ඒ ප්රෙෂර් එකට. චැලේන්ඩ් එකට. හෙට ලොකු දෙක් කරලා දෙන්න පුලවන් කියලා මම හිතනවා. අනෙක් කණ්ඩායමටත් ප්රෙෂර් එකක් තියනවා. ඒ ප්රෙෂර් එක හොදටම හැන්ඩ්ල් කරන ටිම් එක මැච් ක දිනයි.
මේ කන්ඩිෂන් එක ගැන කාටවත් බ්ලේම් කරන්න බෑ. අනික් අයත් සෙල්ලම් කරන්නේ මේ කන්ඩිෂන් වල. ඒ අයට පුලුවන් නම් අපට බැරි වෙන්න බෑ.
ඇය ශ්රී ලාංකික ප්රේක්ෂකයින්ගෙන් මේ ඉල්ලිම කළාය.
හෙට එන්න. ඔබ මානසිකව සතුටින් ඉන්නවා කියන්න බෑ. ඔබ ගොඩක් දේවල් බලන් ඉන්නවා කියලා දන්නවා. අපට සෙමි ෆයිනල් ගහන අවස්ථාව නැතිවෙලාම නෑ. දැන් ඉදිරි තරග දිනන්න අවශ්යයි. හෙට තියන තරගය මුලින්ම දිනන්න අවශ්යයි. හෙට තරගය හොඳින් ක්රිඩා කරන්න බලාපොරොත්තු වෙනවා.
මම හිතන්නේ හෙට ගහන්නේ මගෙ ජීවිතයේ වටිනාම තරගයක්. මම මට චැලේන්ජ් කරනවා කොහොම ද හෙට ඒ ප්රෙෂ්ර් එක හැන්ඩ්ල් කරන්නේ කියලා. ඒක මම ගන්නවා. මම මීට වඩා චැලෙන්ජ් වලට මුහුණ දීලාතියනවා. තනියෙන් තරග දිනවලා තියනවා. කණ්ඩායමේ සහයෝගය අරන් දිනවලා තියනවා. දිනන්න බැරි තරග දිනවලා තියනවා. මම ආසයි ඒ චැලේන්ජ් එකට.
මම මට චැලේන්ජ් කරනවා. මම විශ්වාස කරනවා මට හෙට මේ කඩුල්ල පන්නලා ලංකාව ඉස්සරහට ගෙනියන්න පුලුවන් කියලා. බලමු. මම හිතනවා මට කරන්න පුලුවන් කියලා. මගේ කණ්ඩායට පුලුවන් කියලා.
