හිටපු එක්සත් ජාතික පක්ෂ ප්රාදේශීය මන්ත්රී දුලාජ් සං ජීවට අද දහවල්(17) යතුරුපැදියකින් පැමිණි නාඳුනන පුද්ගලයන් දෙදෙනකු විසින් සීනිගම දේවාලය ආසන්නයේදී වෙඩි තබා තුවාල සිදු කොට ඇති බැව් රත්ගම පොලිසිය පවසයි.
හිටපු මන්ත්රීවරයා සිය රථය නගර මධ්යයේ නතරකරගෙන සිටියදී යතුරුපැදියකින් පැමිණි පුද්ගලයන් දෙදෙනකු මොහුට වෙඩි තබා ඇත. ඔහුගේ උරහිස හා පපු ප්රදේශවලට වෙඩි වැදී ඇති බව පොලිසිය පවසයි .
වෙඩි වැදීමත් සමග හිටපු මන්ත්රීවරයා වෙඩි කාගෙනම සිය මෝටර් රථය පදවාගෙන හික්කඩුව පොලීසියට පැමිණ මේ බව දැනුම් දී ඇත.
පසුව 119 ගිලන් රථයකින් මොහු ගාල්ල කරාපිටිය ශික්ෂණ රෝහලට ඇතුළත් කොට තිබේ .
පිස්තෝලයකින් මෙම වෙඩි තැබීම සිදු කොට ඇති අතර සිද්ධිය වූ ස්ථානයේ තිබී වෙඩි උණ්ඩ තුනක් හමු වී ඇත. මන්ත්රීවරයාගේ තත්ත්වය බරපතල නොවන බව රෝහල් ආරංචි මාර්ග කියයි.
වෙඩ් ප්රහාරයකට ලක්වූ හිටපු ප්රාදේශීය සභා මන්ත්රීවරයා මේ වනවිට රට හැරගොස් සිටින රත්ගම විදුර නැමැති පාතාල නායකයාගේ සමීප ඥාතියෙක් බව පොලිසිය කියයි. බොහෝ විට මේ වෙඩි තැබීම පසුපස පාතාල සම්බන්ධතාවයක් ඇතැයි පොලිසිය සැක කරයි.
වෙඩි තැබූ පුද්ගලයන් දෙදෙනා පැමිණි යතුරුපැදිය කහව ප්රදේශයේ දමා ගොස් තිබියදී පොලිසිය මඟින් සොයාගෙන තිබේ.
මීටියාගොඩ පොලිිසිය සිද්ධිය පිළිබඳ පරීක්ෂණ පවත්වයි.
