විදුලිබල මණ්ඩලය කොටස් කර විකිණීමට එරෙහිව පසුගිය ජනවාරි මාසයේ පැවැත්වූ සේවක උද්ඝෝෂණයට සහභාගිවීම මත විනය කඩකිරීම් චෝදනා යටතේ වැඩ තහනමට ලක් වූ ලංකා විදුලි බල මණ්ඩල හැට දෙදෙනකු යළි සේවයේ පිහිටුවීමටත් ඇතැම් සේවකයින්ට ලබා දි තිබූ දඬුවම් මාරු අවලංගු කිරීමටත් බලශක්ති අමාත්ය ඉංජිනේරු කුමාර ජයකොඩි විශේෂ නියෝගයක් නිකුත් කළ බව එම අමාත්යංශය පවසයි.
අමාත්යවරයාගේ විදුලිබල මණ්ඩල මූලස්ථාන නිරීක්ෂණ චාරිකාවේ එක් අංගයක් ලෙස ඊයේ (24) එම දඬුවම් ලද සේවකයින් පිරිසක් හමුවූ අතර එහිදී කරුණු දැක්වූ අමාත්ය ඉංජිනේරු කුමාර ජයකොඩි පැවසුවේ විදුලිබල මණ්ඩලයේ සේවකයින් ආයතනයට වැදගත් සම්පතක් කොට සලකන බවත් ආයතනය රැකගැනීම වෙනුවෙන් සටන් කළ සේවකයින් වෙනුවෙන් ක්රියාත්මක වන්නට ලැබීම සතුටක් බවත්ය.
පසුගිය රජය රටේ දේපල රිසිසේ විකුණා දැමීම පිණිස ගත් වැඩපිළිවෙළ පරාජය කිරීමට ලැබීම මේ රටේ ජනතාව ලැබූ ජයග්රහණයක් බවත් ජාතික ජනබලවේග නව රජය මේ රටේ ජාතික සම්පත් රැකගැනීම අරමුණු කරගත් එකක් බවත් ආයතනය රැකගනිමින් දියුණු කරගැනීමට කටයුතු කරන්නට සියළුදෙනා සාමූහිකව එක්ව කටයුතු කළයුතු බවත් තවදුරටත් ඇමතිවරයා ප්රකාශ කළේය.
