දිනසේන රතුගමගේ –
හෘද රෝග සඳහා ශල්යකර්ම සිදු කර ගැනීමට නොහැකිවීමේ හේතුව මත වවුනියාව මහ රෝහලේදී මේ වසරේ ගත වූ කාලයේ ඇතුළත හෘද රෝගීන් 54 දෙනෙකු මියගොස් ඇතැයි රෝහල් දත්ත හෙළිදරවු කරයි.
මෙසේ මියගිය පිරිස අතරින් වයස අවුරුදු 45 ට අඩු රෝගීන් සංඛ්යාව 46 ක් වීම විශේෂ සිද්ධියකි.
වවුනියාව මහ රෝහල සඳහා හෘද රෝග ඒකකයක් හා හෘද රෝග විශේෂඥ වෛද්යවරයෙකු සිටින නමුත් ප්රමාණවත් හා පුහුණුව ලත් වෛද්යවරු හෙදියන් හා කාර්ය මණ්ඩලයක්ද උපකරණද නොමැති නිසා හෘද රෝග ප්රතිකාර ලබා ගැනීමට අවශ්ය රෝගීන් යාපනය ශික්ෂණ රෝහල වෙත යැවීමට සිදුව තිබේ.
හෘද රෝග වලින් මියයන සංඛ්යාව මෑතක සිට දිනෙන් දින ඉහල යමින් පවතින පරිසරයක රුපියල් කෝටි ගණනක වියදමක් දරා වවුනියාව මහ රෝහල තුළ හෘද රෝග ඒකකයක් පිහිටුවා ඇතත් හෘද වාහිනී අවහිරතා හඳුනා ගැනීම පිණිස සිදුකෙරෙන එන්ජියෝග්රෑම්( Angiogram ) පරීක්ෂණයක් හෝ වවුනියාව මහ රෝහල තුළ සිදු කිරීමට අවශ්ය උපකරණ සපයා දී නොමැත.
මේ තත්ත්වය මත එම රෝගීන්ට යාපනය ශීක්ෂණ රෝහලට යාමට සිදුවන අතර සියලු සැත්කම් එම රෝහලෙන් සිදු කර ගැනීමට සිදුව තිබේ.
