සමගි ජන බලවේගයේ නායකත්වයට අමතරව කොළඹ දිස්ත්රික්කයේ නායකත්වයත් සජිත් ප්රේමදාස විසින් ලබා ගැනීම ඉවසීමකින් යුතුව බලාගෙන සිටින බව සමගි ජන බලවේගයේ ආර්ථික විශේෂඥ ආචාර්ය හර්ෂ ද සිල්වා පැවසුවේය.
ඔහු මාධ්යයට මේ බව පැවසුවේ දිස්ත්රික් නායක්වය නොලැබීම පිළිබඳව මාධ්ය කළ විමසීමකට පිළිතුරු දෙමිනි. වගකීම් සහිත තනතුරු ඉල්ලා ලබා ගැනීම හඬා වැලපී ලබා ගැනීම සිදුකළ නොහැකි බවත් එවැනි තත්ත්වයකට තමන් පත්වන්නේ නැති බවත් ආචාර්ය හර්ෂ ද සිල්වා කීවේය.
“නෑනේ.. මට දුන්නෙ නෑ දිස්ත්රික් නායකත්වය කොළඹ. මොනව කියන්නද මල්ලි මේ ගැන. දෙනවා නම් දෙනවා. නැතිනම් දෙන්නේ නෑ. එච්චරයි.
මම තමයි කොළඹ දිස්ත්රික්කයේ ජ්යෙෂ්ඨතම මන්ත්රීවරයා. හැබැයි නායකතුමා ඒක තියාගෙන ඉන්නවා ජාතික නායකයාට අමතරව.”
ආචාර්ය හර්ෂ ද සිල්වා මාධ්යයට පැවසුවේය.
“ඔබතුමා දුන්නොත් ගන්නව ද?” මාධ්ය ඇසුවේය.
“ඉල්ලලා ගන්න පුලුවන් දෙයක් නෙමෙයි නේ. කිසි කලකිරීමක් නෑ, ඔය තනතුරු ලැබෙනවා. නොලැබෙනවා. මම හතරවැනි පාර කොළඹින් දිනුවේ. ඉල්ලලා ගන්නත් අඬලා වැලපිලා ගන්නත් බෑ. අවශ්යත් නෑ. ජනතාව ඒවා බලාගනී. අපි වැරදි දේ විවේචනය කරනවා. ජනතාව අපිත් එක්ක ඉන්නවා. ඒවා ඡන්දවලින් අපි දැක්කා.”
එක්සත් ජාතික පක්ෂය සමග එක්වීම සඳහා වූ කමිටුවලට තමන් සහභාගී කර නොගත් බව පැවසූ ආචාර්ය සිදුවූ දේ කුමක්දැයි නොදන්නා මුත් දන්න එකම දේ යම් සාකච්ඡාවක් සිද්ධවී ඇති බවය. එතනින් එපිටට සාකච්ඡාවක් සිදුවන බවක් පෙනෙන්නට නොතිබුණ බවද ඔහු පැවසුවේය.
“මහ පොළොවේ ලොකු ඕනකමක් තියනවා ප්රතිපත්තිමය වශයෙන් එකඟවීමක් උනොත් හොඳයි කියන එක. හැබැයි නායකවරු දෙන්න ඒ තීරණය ගන්න ඕන කොහොමද කරන්නේ කියලා. අනික යම් යම් චරිත පිළිබඳව ගැටලු තියනවා. ඒක කියන්න එපැයි. ඒ කට්ටිය මේක හරියට පටලෝගෙන තියෙන්නේ මේ වැඩේ. ” මන්ත්රීවරයා පැවසුවේය.
කෙසේ වෙතත් ආසන සංවිධායක පත්වීම් ලබා දීමෙන් අනතුරුව අද මධ්ය ඉදිරියේ උද්දච්ඡ හැසිරීම් විලාශයක් පලකල විපක්ෂ නායක සජිත් ප්රේමදාස හර්ෂ ද සිල්වාට දිස්ත්රික් නායකකම නොදීම පිළිබඳව කිසිම ගැටලුවක් නොමැති බවත් එවැනි ප්රශ්න අහන්නේ මධ්යකරුවන්ට අවශ්ය දීමනා හාම්පුතුන්ගෙන් ලබා ගැනීමට බවත්ය.
” මහලේකම් තුමා මොනරාගල දිස්ත්රික් නායක. මම පක්ෂයේ නායකයා. කොළඹ දිස්ත්රික් නායක. මොකක් තියන ප්රශ්නය. ” සජිත් ප්රේමදාස විමසුවේය.
