දිනසේන රතුගමගේ –
කිළිනොච්චියේ ඉරණමඩු ජලාශය පිරී ඉතිරීමට ආසන්නවීමත් සමගම එම ජලාශයේ වාන් දොරටු 14 ම අද (15) අළුයම විවෘත කර තිබේ.
ඉරණමඩු ජලාශය වාන් දැමීම සදහා අඩි 33 ක ජල මට්ටමක් අවශ්යය. දින කීපයක් මුළුල්ලේම ඇද හැලුණු ධාරානිපාත වර්ෂව නිසා අද (15) අළුයම වන විට අඩි 32 යි අගල් 11 ක් උසට ජලාශයේ ජලය පිරී පැවතුණි.
මේ සමගම ඉරණමඩු ජලාශයේ ස්වයංක්රීය වාන් දොරටු 4 ක් මධ්යම රාත්රියේදී විවෘත වී ඇති අතර නිලධාරීන් ගොස් සෙසු වාන් දොරටුද විවෘත කොට තිබේ.
ජලාශයේ වාන් දොරටු විවෘත කිරීම නිසා ගලායන ජලයෙන් පහත් බිම් රැසක් යටවන නිසා එම පළාත්වල වැසියන්ට අවශ්ය වුවහොත් නිවෙස් වලින් ඉවත් වීමට උපදෙස් ලබා දී තිබේ.
ඉරණමඩු ජලාශය නවීකරණය කිරීමෙන් පසුව වසර හතකට පසුව එම ජලාශයේ වාන් දොරටු 14 ම විවෘත කළ පලමු අවස්ථව මෙය වෙයි.
