ශ්රියානි විජේසිංහ –
ආර්ථික යුක්තිය ඉටුකිරීම සඳහා වූ යෝජනා වලිය සෞඛ්ය අමාත්යංශය විසින් මුදල් අමාත්යංශයට ලබා දුන් නමුත් ඊට මේ වන තෙක් නිසි ප්රතිචාරයක් නොලැබීමට විරෝධය පළ කරමින් ලබන අඟහරුවාදා (19 )සහ බදාදා (20) යන දිනයන් දෙකෙහි දිවයින පුරා රෝහල්වල සියලුම සෞඛ්ය වෘත්තිකයන් සේවයට වාර්තා කර රාජකාරියෙන් බැහැරවීමේ වෘත්තීය සමිති ක්රියාමාර්ගයක අවතීර්ණ වීමට තීරණ කර ඇතැයි වෘත්තීය සමිති පවසයි.
අද රැස්වූ වෘත්තීය සමිති සන්ධාන නියෝ ජිතයින් මෙම තීරණය ගත් බව සන්ධාන සාමාජික උපුල් රෝහණ කීවේය.
එම වෘත්තිය සමිති ක්රියා මාර්ගයටත් ප්රතිචාර නොදක්වමින් මුදල් අමාත්යංශය තව දුරටත් නිහඬව සිටින්නේ නම් ලබන 26 වනදා දිවයින පුරා සියලුම සෞඛ්ය වෘත්තිකයන් ලෙඩ නිවාඩු වාර්තා කර කොළඹ කොටුව දුම්රිය ස්ථානයට රැස්ව උද්ඝෝෂණය නිරත වීට මෙහිදී තීරණය කළ බව හෙතෙම පැවසුවේය.
මෙම වෘත්තීය ක්රියාමාර්ගයන්ගෙන් රජය නිසි විසදුමක් ලබා නොදීමට කටයුතු කරන්නේ නම් යළිත් අඛණ්ඩ වැඩ වර්ජනයන්ට අවතීර්ණ වීම හැර වෙනත් විකල්පයක් නොමැති බව සන්ධාන සාමාජිකයින් ඒකමතිකව තීරණය කළ බව ද ඔහු කීවේය.
