ශ්රි ලංකාවේ ඖෂධ හිගයක් ඇති බවට යුරෝපීය තානාපති කාර්යාල විසින් පසුගිය කාලයේ නිකුත් කරනු ලැබ ඇති අනතුරු ඇඟවීම් නිවේදනය ශ්රි ලංකාවේ සංචාරක ව්යාපාරය කෙරෙහි අහිතකර ලෙස බලපා ඇති බවත් ඇතැම් සංචාර අවසන් මොහොතේ වෙනස් කිරීමට මේ නිසා සංචාරකයන් පෙලඹෙන බවත් රැඩිසන් හෝටල් කලාපීය සාමාන්යාධිකාරී ඇලන් ක්රිස්ටි පසුගියදා පැවැති විද්වත් කතිකාවතකදී අනාවරණය කළේය.
ඔහු එහිදී සඳහන් කළේ මෑතකදී ලෝකයේ විශාලතම සංචාරක මෙහෙයන්නකු ශ්රි ලංකාවට යුරෝපයේ සංචාරක කණ්ඩායම් රැගෙන ඒම සම්බන්ධයෙන් ලොකු වැඩපිළිවෙළකට එකඟ වුවද ඔවුන් අන්තිම විනාඩියේදී එය අවලංගු කිරීමට තීරණය කළ බවයි. එයට හේතුව ලෙස ඔවුන දක්වා සිටියේ බ්රිතාන්ය තානාපති කාර්යාලය විසින් ශ්රි ලංකාවේ මහ මඟ කැරලිකාරී තත්ත්ව පවතින බවට සහ ඖෂධ හිගයක් පවතින බවට සාංචාරක උපදේශනවලදී සඳහන්ව තිබීමයි. එසේ වුවද මේ තත්ත්වය එසේ නොවන බව පෙන්වා දීමට ශක්තිමත් යාන්ත්රණයක් නොමැති වීම නිසා ඔවුන් සංචාරකයන් මෙම තානාපති කාර්යාලය පවසන උපදේශනය අසා ඒ අනුව ක්රියාත්මක වන බව ක්රිස්ටි මහතා එහිදී පෙන්වා දුන්නේය.
“ අවසානයේ අපට දැන ගන්නට ලැබුණා මේ සංචාර අවලංගු කිරීමට හේතුව . තානාපති කාර්යාල වෙබ් අඩවිය බලලා සංචාරකයන් තීරණය කළා ලංකාවේ ඖෂධ හිගයක් තිබෙනවා කියල. බැලුවාම ඔවුන්ගේ තානාපති= කාර්යාල වෙබ් අඩවියේ තවමත් තිබෙනවා රටේ ඖෂධ හිගයක් සහ මහ මඟ කැරලිකාරී තත්වයක් තිබෙනවා කියල. මේ අනතුරු ඇඟවීම තවමත් ජර්මානු සහ ස්විස් තානාපති කාර්යාල වෙබ් අඩවිවලත් තිබෙනවා. “ යයි ඔහු පෙන්වා දුන්නේය.
එහිදී මෙරට තේ ව්යාපාරයේ මෙන්ම සංචාරක ව්යාපාරයේද සිටින විශේෂඥයකු වන මලික් ජේ ප්රනාන්දු මහතා පෙන්වා දුන්නේ එම තත්ත්වය වෙනස් බව අපේ රටේ සංචාරය කිරීමට නියමිත එරට ජනතාවට අවබෝධ කර දීමේ ශක්තිමත් සන්නිවේදන යාන්ත්රණයක් අවශ්ය බවයි. ඒ සඳහා මහජනතාව දැනුවත් කිරීමේ ව්යාපාරයක් ආරම්භ කළ යුතු බව ඔහු සඳහන් කළේය.
“ දැනට අපේ රටේ සිදුවන්නේ සංචාරක නියෝජිතයන් ඉලක්ක කර ගත් ප්රවර්ධනයක්. දැනටම් ශ්රි ලංකාවේ පවතින සංචාරක වැදගත්කම ගැන ඔවුන්ට අවබෝධයක් තිබෙනවා. නමුත් අවසාන තීන්දුව ගන්නේ පාරිභෝගිකයා. එනම් ශ්රි ලංකාවේ සංචාරය කරනවාද නැද්ද කියන තීරණය ගන්න පාරිභෝගිකයා. අපි ඔවුන් ඉලක්ක කර ගත් පුළුල් වැඩපිළිවෙළකට යා යුතුයි.“
