දිනසේන රතුගමගේ –
කිළිනොච්චිය නගරයේ පිහිටි පෞද්ගලික අධ්යාපන ආයතනයක එක් සිසුවෙකු තවත් සිසුවෙකු පානය කරන ජලයට මත්ද්රව්යයක් කලවම් කිරීම නිසා ජලය පානය කළ සිසුවා රෝගී වී ඊයේ (06) කිළිනොච්චිය රෝහලට ඇතුළත් කොට තිබේ.
කිළිනොච්චිය රෝහලට ඇතුළත් කළ සිසුවාගේ තත්ත්වය බරපතල බැවින් ඔහුව රාත්රියේම යාපනය ශීක්ෂණ රෝහල වෙත මාරු කොට යවා තිබේ.
කිළිනොච්චිය රෝහල් පොලීසිය විසින් සිසුවාගෙන් ලබා ගත් කට උත්තරයකට අනුව මත්ද්රව්ය කලවම් කළ සිසුවා අත් අඩංගුවට ගැනීමට කිළිනොච්චිය පොලීසිය විමර්ශන ආරම්භ කොට තිබේ.
පානීය ජලයට මත්ද්රව්ය කලවම් කළ සිසුවා මත්ද්රව්ය වලට ඇබ්බැහි වූ අයෙකු බවත් ජලය පානය කළ සිසුවා අධ්යාපන කටයුතු වලට ඉතා උසස් අන්දමින් දස්කම් දක්වන බවත් ප්රකාශ කරණ පොලීසිය එම ඊර්ෂ්යාව මත මෙම ක්රියාව සිදු කරන්නට ඇති බවට විශ්වාස කරයි.
