සාරා ජස්මින් මිය ගොස් නැති බව විමර්ශනවලදී අනාවරණය වන නමුත් ඇය ඉන්දියාවේ ජීවත්වන බවට තහවුරුවන කිසිම සාක්ෂියක් මෙතෙක් හමුවී නොමැති බවත් ඇයට එරෙහිව විවෘත වාරෙන්තුවක් ලබා ගැනීම සම්බන්ධව අනාගතයේ දී සලකා ලබන බවත් මහ ජන ආරක්ෂාව පිළිබඳ ඇමති ආනන්ද විජේපාල අද (07) පාර්ලිමේන්තුවේ දි පැවසුවේය.
ඔහු එසේ පැවසුවේ මුජිබර් රහුමාන් මන්ත්රීවරයා විසින් ආරක්ෂක නියෝජ්ය ඇමතිවරයාගෙන් අසන ලද ප්රශ්නයකට නියෝජ්ය ඇමතිවරයාගේ ඉල්ලීම මත පිළිතුරු දෙමිනි.
මහජන ආරක්ෂාව පිළිබඳ ඇමතිවරයා වැඩිදුරටත් පැවසුවේ අඛන්ඩව ක්රියාත්මක බැවින් විමර්ශනවලට හානි බාධා පැමිණවිය හැකි කිසිවක් ප්රකාශ කිරීමට හැකියාවක් නැති බවය.
අද පාර්ලිමේන්තුවේ දී පාස්කු ප්රහාරය සිදුවන වකවානුවේ නැගෙනහිර ආඥාපතිව සිටි නියෝජ්ය ආරක්ෂක ඇමති විශ්රාමික මේජර් ජනරාල් අරුණ ජයසේක යටතේ සිටි බුද්ධි නිලධාරීන් සිවු දෙනා සම්බන්ධව පාස්කු ප්රහායට අදාල චෝදනා ගැන පාර්ලිමේන්තුවේ දී මතු වූයේය.
නිසාම් කාරියප්පර් මන්ත්රීවරයා මේ ප්රශ්නය මතු කරමින් පාස්කු ප්රහාරය සම්බන්ධව චෝදනා ලැබ සිටින එවකට නැගෙනහිර පළාත් භාර ආඥාපතිව සිටි මේජර් ජනරාල් අරුණ ජයසේකර යටතේ සිටි බුද්ධි නිලධාරින් සිවු දෙනා සම්බන්ධ ඉදිරි විමර්ශන පිළිබඳ විමසුවේය.
කාරියප්පර් මන්ත්රීවරයා පෙන්වා දුන්නේ මේ රජය වකවානුවේ අදාල විමර්ශනවලදී පොලිස් නිලධාරීන් දෙදෙනෙක් අත් අඩංගුවට ගනු ලැබුව ද චූදිත බුද්ධි නිලධාරීන් සිවු දෙනා අත් අඩංගුවට ගැනීමක් සිදු නොවන බවය.
ඒ අවස්ථාවේ දී නියෝජ්ය ආරක්ෂක ඇමතිවරයා පැවසුවේ විමර්ශනක්රියාත්මක බැවින් මේ සම්බන්ධව වැඩි යමක් මේ අවස්ථාවේ දී ප්රකාශ කළ නොහැකි බවය.
