සීතාවක ප්රාදේශීය සභාවේ සභාපති උප සභාපති තනතුරු තෝරා තෝරා ගැනීමේ ක්රියාවලියට එරෙහිව එම තෝරා ගැනීම් සඳහා රහස් ඡන්දයක් පැවැත්වීම වළක්වාලමින් බස්නාහිර පළාත් පාලන කොමසාරිස් සාරංගිකා ජයසුන්දර වෙත අතුරු තහනම් නියෝගයක් නිකුත් කරන ලෙස ඉල්ලා සමගි ජන බලවේගය ගොනු කළ පෙත්සමක් විභාගයට නොගෙන නිෂ්ප්රභ කිරීමට අභියාචනාධිකරණය අද තීරණය කළේය.
මෙම පෙත්සම ගොනුවන්නේ පසුගිය 17 වැනිදා සීතාවක ප්රාදේශීය සභාවේ මංගල සැසිවාරයේදී, සභාපතිවරයා සහ උප සභාපතිවරයා පත් කිරීම සඳහා විවෘත ඡන්දයක් ඉල්ලා සිටිමින් මන්ත්රීවරුන් 24 දෙනෙකු ලිඛිත ඉල්ලීමක් ඉදිරිපත් කර තිබිය දී එම ඉල්ලීම නොසලකා හැර බස්නාහිර පළාත් කොමසාරිස් සාරංගිකා ජයසුන්දර විසින් රහස් ඡන්දයක් තොරා ගැනීමට එරෙහිවය.
සමගි ජන බලවේගයේ සාමාජිකයින් ඇතුළු විරුද්ධ පක්ෂ, කොමසාරිස්වරියගේ තීරණය ප්රජාතන්ත්රවාදී ක්රියාවලියට සහ මහජන විශ්වාසයට හානි කරන බව පවසමින් විරෝධතාවයේ නිරත විය.
ගණපූරණය නොමැති බැවින්, පලාත් පාලන කොමසාරිස්වරිය සැසිවාරය කල් දැමූ අතර, සීතාවක ප්රාදේශීය සභාවට සභාපතිවරයෙකු සහ උප සභාපතිවරයෙකු තෝරා පත් කර ගත්තේ නැත.
ඉන්පසු, බස්නාහිර පළාත් කොමසාරිස්වරයාගේ පියවර අභියෝගයට ලක් කරමින් සමගි ජන බලවේගය අභියාචනාධිකරණයට පෙත්සමක් ගොනු කරන කරනු ලැබුවේය. එම පෙත්සම මගින් පෙත්සම්කරුවන් පලාත් පාලන කොමසාරිස්වරිය විසින් රහස් ඡන්දය ක්රියාත්මක කිරීම වැළැක්වීමේ අතුරු නියෝගයක් ඉල්ලා සිටි අතර ඒ වෙනුවට විවෘත ඡන්දය ප්රකාශ කිරීමේ ක්රියා පටිපාටියක් ඉල්ලා සිටිනු ලැබීය.
කෙසේ වෙතත්, අද (14) දින නඩු කටයුතු අතරතුර, අභියාචනාධිකරණය විසින් උක්ත පෙත්සම විභාගයකින් තොරව නිෂ්ප්රභ කර ඇත.
