මිද්දෙණිය ප්රදේශයේදී අයිස් මත්ද්රව්ය හා සම්බන්ධ සිද්ධියකට අදාල කන්ටේනර් දෙකක් සඟවා තිබියදී සොයාගැනීමේ මෙන් පසු අත් අඩංගුවට ගැනීමට අවශ්යව සිටියත් පොලිසිය මග හැර සැඟවී සිටින සම්පත් මනම්පේරි නමැත්තා අදාළ මහෙස්ත්රාත් අධිකරණයට භාරවීමට සූදානම් බව ඔහුගේ නීතිඥවරයා අභියාචනාධිකරණයට අද (15) දැනුම් දුන්නේය.
එසේ භාරවීමෙන් පසුව සම්පත් මනම්පේරි නමැත්තාගේ ආරක්ෂාව තහවුරු කිරීමට පියවර ගන්නා ලෙස පොලිස්පතිවරයාට නියම කළ අභියාචනාධිකරණය ඒ පිළිබඳව විමර්ශන නිලධාරීන් දැනුවත් කරන ලෙසත් නියෝග කළේය.
අභියාචනාධිකරණය මෙම නියෝගය නිකුත් කළේ, අත්අඩංගුවට ගැනීමට සොයමින් සිටින සම්පත් මනම්පේරිගේ නීතිඥයින් ඉදිරිපත් කළ රිට් පෙත්සමක් සලකා බැලීමෙන් අනතුරුවය.
සම්පත් මනම්පේරි නැමැත්තා පසුගිය ප්රාදේශීය සභා මැතිවරණයේ දී පොහොට්ටුවෙන් ප්රාදේශීය සභා අපේක්ෂකයෙක් ලෙස පෙනී සිටි මහින්ද රාජපක්ෂ පවුල සමග සමීප සම්බන්ධතාවයක් සහිත පුද්ගලයෙක් බවට අනාවරණය වී තිබිණි.
පොලිස් කොස්තාපල්වරයෙක් ලෙස කටයුතු කරමින් සිටි අවධියේ දී සම්පත් මනම්පේරි මහින් රාජපක්ෂගේ පුද්ගලික ආරක්ෂකයෙක් ලෙස සේවය කර ඇති පුද්ගලයෙකි. එමෙන්ම ඔහු රවිරාජ් ඝාතනයේ සැකකරුවෙක් බව ද විමර්ශන අංශ පවසයි.
