මනුෂ්ය පරිභෝජනයට නුසුදුසු, සත්ව ආහාර සදහා නිකුත්කර තිබුණ කිරිපිටි සත්ත්ව ආහාර නිශ්පාදනයේ මුවාවෙන් ලබාගෙන යළි ඇසුරුම් කර ව්යාජ දින සටහන් සහිතව වෙළෙඳපලට නිකුත් කිරීම සූදානම් වූ සත්ත්ව ආහාර නිශ්පාදකයෙකුට කුලියාපිටිය අධිකරණය මාස 04ක බරපතල වැඩ සහිත සිරදඬුවම් නියම කළේය.
මෙසේ දණ්ඩනයට ලක් වන්නේ කුලියාපිටිය හෙට්ටිපොල පාර නිව් ප්රේමා ඇනිමල් ෆීඩ්ස් මනුෆැක්චර්ස් ආයතනය හිමිකරු වූ අමරපති මුදියන්සේලාගේ ධනුෂ්ක ඉන්දික බණ්ඩාර සුබසිංහ නැමැති පුද්ගලයෙකි.
පුරා වසර පහක් තිස්සේ පැවැති අධිකරණ ක්රියාදාමයකින් අනතුරුව පසුගිය 21 වැනිදා මෙම පුද්ගලයා බන්ධනාගාරගත කිරීමට කුලියාපිටිය අධිකරණය නියෝග කළේය.
2019 ජනවාරි මාසයේදී පාරිභෝගික කටයුතු පිළිබද අධිකාරිය විසින් සිදු කරන ලද විමර්ශනයකට අදාලව 2019.01.12 දින මෙම වැටලීම සිදුකළ අතර දේශීය කිරිපිටි නිෂ්පාදකයකු විසින් සත්ව අහාර සදහා අලෙවිකරණ ලද එම කිරිපිටි මෙම සත්ව ආහාර නිෂ්පාදකයා විසින් මිලදීගෙන සත්ව ආහාර සදහා භාවිත නොකර මනුෂ්ය පිරිභෝජනය සඳහා නැවත ඇසුරුම් කර තිබිණි.
ඒවායෙහි මුල් ඇසුරුම ඉවත්කර ව්යාජ නිෂ්පාදිත සහ කල් ඉකුත්වීමේ දින ඇතුලු තොරතුරු ඇතුළත්කර ලද නව ඇසුරුම්වලට නැවත අසුරමින් සිටින බව මේ වැටලීමේ දී විමර්ශන නිලධාරීන් විසින් අනාවරණය කරගන්නා ලදී.
එමෙන්ම අදාල ව්යාපාරිකයා විසින් කිරිපිටි මෙට්රික් ටොන් 200 ක් පමණ මිලදීගෙන ඇති බවත් ඉන් මෙට්රික් ටොන් 40 ක් පමණ එම අවස්ථාව වනවිටත් අයිස් ක්රීම්, යෝගට් හා බිස්කට් නිෂ්පාදනය සඳහා අලෙවිකර අවසන්ව තිබූ බවත් විමර්ශන වලදී අනාවරණය වූ බැවින් අදාල ව්යාපාරිකයාට එරෙහිව 2019 ජනවාරි මස 18 දින කුලියාපිටිය මහේස්ත්රාත් අධිකරණයේ නඩු පවරනු ලැබීය.
ඒ අනුව, වසර පහක පමණ දීර්ඝ නඩු විභාගයකින් පසුව අදාල ව්යාපාරිකයා වරදකරු බවට අධිකරණය මගින් තීන්දු කර මාස 4 ක බරපතල වැඩ සහිත සිර දඩුවමක් සහ රුපියල් 10,000.00 ක දඩ මුදලක්ද නියම කරන ලදී .
අදාල භාණ්ඩ තොගය වන පරිභෝජනයට නුසුදුසු කිරිපිටි මෙට්රික් ටොන් 160 ක ප්රමාණයද අධිකරණයේ අධීක්ෂණය යටතේ විනාශකිරීමටද නියම කරන ලදී.
අලෙවිය සඳහා භාණ්ඩ මිලදී ගැනීමේදී නියමිත සැපයුම් ජාලවලින් පරිබාහිරව වෙළදපොල මිලටත් වඩා අඩු මුදලට ලැබිය හැකි මෙවැනි භාණ්ඩ සම්බන්ධව වැඩි අවධානයක් යොමු කරන ලෙසත් මෙවැනි ව්යාපාරිකයන් සහ භාණ්ඩ සම්බන්ධව තොරතුරු වෙතොත් පාරිභෝගික කටයුතු පිළිබඳ අධිකාරිය දැනුවත් කරන ලෙසත් පාරිභෝගික සේවා අධිකාරිය ජනතාවගෙන් ඉල්ලා සිටී.
