නාමල් රාජපක්ෂ අපරාධ පරීක්ෂණ දෙපාර්තමේන්තුව වෙත කැඳවූ අවස්ථාවේ දී එම ස්ථානය ඉදිරිපිට මැරයින් පිරිසක් කරන රංගනයක් දැකගත හැකි වූයේය.
රාජපක්ෂ පාලනය දැඩිව විවේචනය කරන යූ ටියුබ් කරුවෙක් වූ පානදුරේ ලාල් ඉලක්ක කරගෙන මෙම දැඩි මැර බලපෑම එල්ල වූයේ පොලිසිය සහිත ආරක්ෂක අංශ බලාසිටියදී ය.
මැරයින් පිරිස ලාල් වටකරගෙන එල්ල කරන තර්ජනවල ස්වරූපයත්, ඔහු ඊට ප්රතිචාර දක්වන අන්දමත් මැර පිරිස නාමල් රාජපක්ෂගේ ගෝලයින් නොවන ආකාරය තහවුරු කිරීමට පිරිසක් උත්සාහ කරන ආකාරයත් දැකගත හැකි වූයේය. එම ස්ථානයට යෝශිත රාජපක්ෂ සහ ඔහුගේ සහචර කණ්ඩායමක් ද පැමිණ සිටීම විශේෂ විය.
අද නාමල් රාජපක්ෂ කැඳවනු ලැබුවේ ජාතික සම්පත් අතිශය නින්දාසහගත ලෙස කොල්ල කෑ ආකාරය ජාත්යාන්තර අධිකරණවලදී ද තහවුරැ වු කපිල චන්ද්රසේනට සම්බන්ධ කුප්රකට එයාබස් ගනුදෙනුවට අදාලව ප්රකාශයක් ලබා ගැනීම සඳහාය.
නාමල් රාජපක්ෂව කැඳවන්නේ මින් පෙර මේ සම්බන්ධව විමර්ශනයේ දී ලබා දුන් කටඋත්තරයකට අදාලවය.
පැය 5ක ප්රකාශයක් ලබා ගැනීමෙන් අනතුරුව ඔහු අපරාධ පරීක්ෂණ දෙපාර්තමේන්තුවෙන් පිටව ගියේය.
මේ දැක්වෙන්නේ අද (26) සීඅයිඩීය ඉදිරිපිට පානදුරේ ලාල්ට එල්ල වූ මැර තර්ජනයන්ය.
