ගනේමුල්ල සංජීව ඝාතනය මෙහෙයවීම පසුපස මෙරට සිටින තවත් පුද්ගලයෙක් සම්බන්ධව කරුණු අනාවරණය වෙමින් ඇතැයි පොලිසිය පවසයි.
විමර්ශන නිලධාරීන් පෙන්වා දෙන්නේ නීතිඥ වෙස් ගෙන අධිකරණ සංකීර්ණයට පැමිණි කාන්තාව ද මෙහෙයවා ඇත්තේ මෙම පුද්ගලයා විය හැකි බවය.
ඝාතනය වූ සිදුවූ අවස්ථාවේ දී අධිකරණ පරිශ්රයේ සිටි හඳුනාගත් විශේෂ කාර්ය බලකායේ නිලධාරීන් පොලිස් නිලධාරීන් සහ බන්ධනාගාර නිලධාරීන් ඇතුළු 13 දෙනෙකුගේ ජංගම දුරකථන මේ වනවිට විමර්ශන කණ්ඩායම් භාරයට ගෙන ඇතැයි විමර්ශන අංශ පවසයි.
පොලිසිය පැවසුවේ එම දුරකථන සියල්ල වැඩිදුර විමර්ශනකටයුතු සඳහා යොමු කර ඇති බවය. ඝාතනයට ලක් වූ ගණේමුල්ලේ සංජීව අධිකරණයට ඉදිරිපත් කිරීම සම්බන්ධව ද විමර්ශන ආරම්භ කර ඇති බවත් ඒ අදාල ඉදිරිපත් කිරීම සම්බන්ධව මතුව ඇති ව්යාකූල තත්ත්වය නිසා බවත් වාර්තා වේ.
