ඇතුල් කෝට්ටේ පිහිටි සමගි ජනබලවේග ප්රධාන කාර්යාලයට අද පෙරවරුවේ බිත්තර ප්රහාරයක් එල්ල වී තිබේ.
සමගි ජනබලවේග ප්රධාන කාර්යාලයේ ප්රකාශකයෙක් පැවසුවේ උද්ඝෝෂකයන් ලෙස කාර්යාලය ඉදිරියට පැමිණි මැර පිරිසක් ප්රධාන කාර්යාලයට කුණු බිත්තර එල්ල කරමින් කාර්යාලය වටකොට පැයකට ආසන්න කාලයක් ගත කළ බවය.
එම අවස්ථාවේ දී සිද්ධිය දෙස බලාගෙන පොලිසිය ද සිටි බව එම ප්රකාශකයා කීවේය.
කාර්යාලය ඉදිරිපිට නවතා තබූ තිබූ රජයේ වාහනවල තමන් රැගෙන විත් තිබූ පෝස්ටර් අලවා බැණ තර්ජනය කරමින් සිටි පිරිස සම්බන්ධව සියලුම සී.සී.ටී.වී දර්ශන ඇති බවත් ඔවුන් සම්බන්ධව නීතිමය පියවර ගැනීමට කටයුතු කරන බවත් ඔහු කීවේය. 
පෙරේදා සමගි වනිතා බලවේගයේ හිරුණිකා ප්රේමචන්ද්ර ඇතුළු කාන්තාවන් පිරිසක් මිරිහාන පිහිටි ජනාධිපතිවරයාගේ නිවස ඉදිරිපිටට ගොස් ලිපියක් භාර දීමට කටයුතු කිරීමෙන් පසු දේශපාලකයන් විසින් මෙහෙයවන ලද පිරිසක් හිරුණිකාගේ නිවස වට කළ බවත් බව කී ඔහු ලබන 15 දා සංවිධානය කර ඇති දීප ව්යාප්ත විරෝධතාවය වළක්වා ගැනීමට මෙවැනි බිය වැද්දීම් සිදුවන බව කීවේය.
