2023 එක්දින ලෝක කුසලානයට සුදුසුකම් ලබාගැනීමේ තරගාවලිය යටතේ ශ්රී ලංකාව සහ අයර්ලන්තය අතර අද (25) පැවති තරගයෙන් ලකුණු 133ක විශාල ජයග්රහණයක් ලබා ගැනීමට ශ්රී ලංකා කණ්ඩායමට හැකි විය.
ලකුණු 326ක ජයග්රාහි ඉලක්කයක් හඹා ගිය අයර්ලන්තය පන්දුවාර 31 කදී සියලුදෙනාම ලකුණු 192කට දැවී ගියහ.
කාසියේ වාසිය ලබා ගත් අයර්ලන්ත නායකයා පන්දු රැකීම තේරුවේය. මුලිින්ම පන්දුවට පහර දීමට පැමිණි ශ්රි ලංකා කණ්ඩායමේ මුල් කඩුලු දෙක ඉක්මනින් දවා ගැනීමට අයර්ලන්ත කණ්ඩායමට හැකි විය. නමුත් ආරම්භක පිතිකරු දිමුත් කරුණාරත්න සමග සධීර සමරවික්රම
තුන්වන කඩුල්ල වෙනුවෙන් 168ක සබඳතාවක් ගොඩනැගූහ.
දිමුත් කරුණාරත්න සිය මංගල එක්දින ශතකය සමඟින් ලකුණු 103ක් රැස් කළේය.
සධීර සමරවික්රම ලකුණු 82යි ද ධනංජය ද සිල්වා නොදැවී ලකුණු 42ක් ද ලැබුවේය. චරිත් අසලංක ලකුණු 38ක් වාර්තා කළේය. දිමුත්ගේ දැවී යෑමෙන් පසු ශ්රී ලංකා කඩුළු 06ක් ලකුණු 90කට දැවී ගියේය. ශ්රි ලංකා කණ්ඩායම මේ තරගාවලියේ දී ඕවර 50කට පෙර මුලුමනින්ම දැවී ගිය මුල්ම අවස්ථාව මෙය විය. කණ්ඩායම පන්දු ඕවර 49.5ක දී මුළුමනින්ම දැවී ගියේය.
පිළිතුරු ඉනිම ක්රීඩා කිරීමට ලකුනු 326ක විශාල ජයග්රාහී ඉලක්කයක් හඹා යාමට පැමිණි අයර්ලන්ත කණ්ඩායමේ වැඩිම ලකුණු ලාභියා වූයේ කර්ටිස් කැම්පර්ය. ඔහු ලකුණු 39ක් පන්දු 31 තුළ ලැබුවේය. ඊට හතරේ පහර 4ක් හා එක් හයේ පහරක් ඇතුළත් විය. හැරී ටෙක්ටර් ලක්ණු 33ක් ලැබුවේය. අවසන් කඩුල්ල වෙනුවෙන් පැමිණි ජොස් ලිට්ල් ලකුණු 20ක් රැස් කළේය.
යළිත් වනිඳු හසරංග කඩුළු 05ක් වාර්තා කළේය. මේ තරගාවලියේ තරග තුනේදීම ඔහු කඩුළු 16ක් වාර්තා කිරීම කැපී පෙනුනි.
කෙසේ වෙතත් මෙවර වනිඳු කඩුළු 05 ලබා ගන්නේ ලකුණු 79ක ලබා දී දැඩි ප්රහාරයකට ද ලක් වෙිමිනි.
මහීසෂ් තීක්ෂණ ලකුණු 29කට කඩුළු 02ක් ලැබුවේය. කසුන් රාජිත, ලහිරු කුමා සහ දසුන් ශානක කඩුල්ල බැගින් ලබා ගත්හ.
ශතකයක් ලබා ගත් දිමුත් කරුණාරත්න තරගයේ වීරයා විය.
