ශ්රී ලංකා නිදහස් පක්ෂ සිරිපාල පාර්ශවය විසින් රැස් කඝ විධායක සභාව රැස්වීම වළක්වාලමින් අතුරු නියෝගයක් නිකුත් කරන්නැයි ශ්රී ලංකා නිදහස් පක්ස සිරිසේන පාර්ශවය ගොනුකළ පෙත්සම සලකා බැලූ කොළඹ දිසා අධිකරණය එම අතුරු තහනම් නියෝගය නිකුත් කිරිම ප්රතික්ෂේප කර තිබිනි.
ශ්රීලනිප විධායක කමිටු රැස්වීමට එරෙහිව ශ්රීලනිප ආසන සංවිධායක හෙක්ටර් බෙත්මගේ ඉදිරිපත් කළ පෙත්සමක් සළකා බැලීමෙන් අනතුරුව අධිකරණය එම නියෝගය නිකුත් කර ඇත.
පෙත්සමේ විත්තිකරුවන්ට නොතීසි නිකුත් කරමින් පමණක් නඩුව ජූලි මස 03 වැනිදා යළි විභාගයට ගැනීමට අධිකරණය තීරණය කළේය.
ශ්රී ලංකා නිදහස් පක්ෂයේ වැඩබලන සභාපති නිමල් සිරිපාල ද සිල්වාගේ ප්රධානත්වයෙන් ශ්රී ලංකා නිදහස් පක්ෂ සිරිපාල පාර්ශවය රැස්වුන අතර
අද රැස්වූ එම පාර්ශවයේ ශ්රීලනිප විධායක සභාවේදී පක්ෂයේ සභාපතිවරයා ලෙස අමාත්ය නිමල් සිරිපාල ද සිල්වා ඒකමතිකව තෝරා පත් කර ගනු ලැබුවේය.
ශ්රී ලංකා නිදහස් පක්ෂයේ මහලේකම්වරයා ලෙස පාර්ලිමේන්තු මන්ත්රී දුමින්ද දිසානායක ද ඒකමතිකව තේරී පත් විය.
මේ වසරේ අප්රේල් මාසයේ සිට ශ්රීලනිපයේ හිටපු ජනාධිපති සහ සභාපති මෛත්රීපාල සිරිසේන ප්රමුඛ කණ්ඩායම ශ්රීලනිප හිටපු නායිකා චන්ද්රිකා බණ්ඩාරනායක කුමාරතුංග සහ අමාත්ය නිමල් සිරිපාල ද සිල්වා ප්රමුඛ අනෙක් කණ්ඩායම සමග ගැටීමෙන් ශ්රීලනිපය අර්බුදකාරී තත්ත්වයකට පත්ව ඇත.
හිටපු ජනාධිපති මෛත්රීපාල සිරිසේනට ශ්රීලනිප නායකයා ලෙස කටයුතු කිරීම වළක්වාලමින් අධිකරණ නියෝගයක් නිකුත් කිරීමත් සමඟ දෙපාර්ශවය අතර ගැටුමක් හටගෙන තිබේ.
එතැන් සිට ශ්රීලනිපයේ නායකත්වය සඳහා ශ්රීලනිප සාමාජිකයින් වන විජයදාස රාජපක්ෂ සහ නිමල් සිරිපාල ද සිල්වා එම කණ්ඩායම් විසින් පත් කර ඇත.
කෙසේ වෙතත්, ඔවුන්ගේ තේරී පත් වූ භූමිකාවන්හි කටයුතු කිරීම වළක්වාලමින් එකිනෙකාට එරෙහිව අධිකරණ නඩු ද ගොනු කර ඇත.
