ශ්රියානි විජේසිංහ –
පාර්ලිමේන්තුව නියෝජනය කරන වෛද්යවරුන් 20ට ආසන්න සංඛ්යාවක් සිටින නමුත් මෙවර අයවැය මගින් වෛද්යවරුන්ගේ දීමනාවන් කප්පාදු කිරීම සම්බන්ධයෙන් ඔවුන් මේ මොහොතේදී නිහඬ පිළිවෙතක් අනුගමනය කිරිම විමතියට කරුණක් යැයි රජයේ වෛද්ය නිලධාරින්ගේ සංගමයේ මාධ්ය ප්රකාශක වෛද්ය චමිල් විජේසිංහ සඳහන් කරයි.
මින් වෛද්යවරුන් දෙතුන් දෙනෙකු හැර අන් සියලුම වෛද්යවරුන් පසුගිය ඔක්තෝම්බර් මාසය වෙන තෙක්ම සෞඛ්ය පද්ධතියේ සහෝදර වෛද්යවරුන් සමඟ රෝගී සත්කාරයේ නියැලුනු බැවින් මෙම ගැටලුවේ බරපතල බව හොඳින්ම දන්නේ යැයිද හෙතෙම පෙන්වාදේ.
වෛද්යවරුන් වේගයෙන් මේ රට හැර යන විට ඔවුන්ව මේ රට තුළ රඳවා ගැනීමට පක්ෂ පාට භේද පසෙක දමා පක්ෂ විපක්ෂ මන්ත්රීවරු මෙරට සෞඛ්ය පද්ධතිය ආරක්ෂා කර ගැනීමට එකම ස්ථානයක රැඳී සිටිමට පසුගිය පාර්ලිමේන්තුව තුළ දක්නට ලැබුණ බවත් වෛද්ය චමිල් විජේසිංහ පෙන්වාදේ .
කෙසේ නමුත් එවැනි ප්රවණතාවක් මෙවර පාර්ලිමේන්තුව තුළ දක්නට නොලැබෙන බවද හෙතෙම පවසයි.
තාවකාලිකව වෛද්ය වැඩ වර්ජනය අවසන් කර තිබෙන බවත් ආණ්ඩුව මේ සම්බන්ධයෙන් ගණු ලබන ක්රියාමාර්ගයන් කුමක්ද යන්න පිලිබඳව සංගමයක් ලෙස සියුම්ව නිරික්ෂණය කරමින් සිටින බවත් වෛද්ය චමිල් පවසා සිටියි.
“වෛද්යවරුන් සෞඛ්ය සේවාව පවත්වාගෙන යාමට නිදහස් සෞඛ්ය සේවාව පවත්වාගෙන යාමට කරන උත්සහයට තමයි මේ අසාධාරණය සිදුකරලා තියෙන්නේ. 1/80 අනුපාතය සහ 1/20 අනුපාතය ආරක්ෂා කරලා දෙන්න මේ සම්බන්ධයෙන් වැඩකටයුතු ගණනාවක් සිදුවෙනවා.
තාවකාලිකව අපි වැඩ වර්ජනය අවසන් කරලා තියෙනවා. අපි සියුම්ව නිරික්ෂණය කරමින් සිටිනවා ආණ්ඩුව මේ සම්බන්ධයෙන් ගණු ලබන තීරණයන් මොනවාද කියලා. විපක්ෂය විදහට මේ සම්බන්ධයෙන් ක්රියාකරන්නේ කුමක්ද කියලා. ” මාධ්ය ප්රකාශකවරයා කීවේය.
