9 වැනි පාර්ලිමේන්තුවේ දෙවන සභාවාරය හෙට (18) දිනයේ අචාර වෙඩි මුර සභ රථ පෙළපාලි සිදුනොකොට චාම් ලෙස පැවත්වීමට සියලු කටයුතු සූදානම් කර තිබේ.
ඒ අනුව, හෙට් පෙ.ව 10.00ට පාර්ලිමේන්තුවේදී ආණ්ඩුවේ ප්රත්පත්ති ප්රකාශය ජනාධිපති ගෝඨාභය රාජපක්ෂ මහතා විසින් ඉදිරිපත් කිරීමට නියමිතය.
ජනාධිපතිවරයා පාර්ලිමේන්තුවට පැමිණීමේ උත්සවය ඉතා චාම්ව පැවැත්වීමට කටයුතු සූදානම් කර ඇත.
හෙට පෙ.ව. 9.15ට ආරාධිත අමුත්තන්ගේ පැමිණීම් සිදුවන අතර එහිදී පළමුවෙන්ම පාර්ලිමේන්තු මන්ත්රීවරුන්ගේ පැමිණීම සිදුවන බව පාර්ලිමේන්තුවේ මහ ලේකම් ධම්මික දසනායක මහතා සඳහන් කළේ ය.
අනතුරුව කතානායක මඟින්ද යාපා අබේවර්ධන මහතාගේ පැමිණීමෙන් පසු, අග්රාමාත්ය මහින්ද රාජපක්ෂ මහතාගේ පැමිණීම සිදුවන අතර, ජනාධිපති ගෝඨාභය රාජපක්ෂ මහතාගේ සම්ප්රාප්තිය ඉන් අනතුරුව සිදුවනු ඇත.
එහිදි කතානායකවරයා සහ පාර්ලිමේන්තු මහ ලේකම් ධම්මික දසනායක මහතා, ජනාධිපති ගෝඨාභය රාජපක්ෂ මහතා පිළිගැනීම්ට නියම්තය.
ඉන් පසුව වේත්රධාරි, නියෝජ්ය වේත්රධාරි සහ සහකාර වේත්රධාරි පෙරටු කරගත් කතානායකවරයා සහ පාර්ලිමේන්තුවේ මහලේකම්වරයා විසින් ජනාධිපතිවරයා පාර්ලිමේන්තු මන්දිරය වෙත කැදවා ගෙන එනු ලබන අතර එහිදී පාර්ලිමේන්තුවේ ප්රධාන ද්වාරය අසල දී සිසු සිසුවියන් විසින් ජය මංගල ගාථා ගායනා කිරීමට ද නියමිතය.
ජනාධිපතිවරයා විසින් ආණ්ඩුවේ ප්රතිපත්ති ප්රකාශය ඉදිරිපත් කරනු ලැබීමෙන් අනතුරුව, සභාව කල් තැබීම් සිදු වේ.
නවචැනි පාර්ලිමේන්තුවේ දෙවැනි සභා වාරය උත්සවාකාරයෙන් විවෘත කිරිමේ අවස්ථාවට විදේශ රාජ්ය තාන්ත්රිකයන් හිටපු ජනාධිපතිවරුන්, අග්රාමාතාවරුන් , අගවිනිසුරුවරුන් , උපරිමාධිකරණ විනිසුරුවරුන් භා නිතිපතිතුමන් ඇතුළු
ආරාධිත අමුත්තන් පිරිසකට ඇරයුම් කර ඇති බව පාර්ලිමේන්තුවේ මහලේකම් ධම්මික දසනායක මහතා වැඩිදුරටත් කීය.
