වී අලෙවි මණ්ඩලයට එක් සහල් ඇටයක්වත් නොදෙන බවට ගොවි සංවිධාන ලෙස හැඳින්වෙන ඇතැම් කණ්ඩායම් දැන් විශාල ප්රකාශකරමින් සිටින නමුත් ඉදිරියේ දී රජයට නිශ්චිත වී ප්රමාණයක් නොදෙන ගොවීන්ට පොහොර සහනාධාරය නැවැත්වීම සඳහා අභ්යන්තරයේ යෝජනාවක් ඇවිත් ඇති බව කෘෂිකර්ම ඇමති ලාල් කාන්ත අද පැවසුවේය.
වී අලෙවි මණ්ඩලයේ පැවති රැස්වීමකට සහභාගී වෙමින් ඇමතිවරයා ප්රකාශ කළේ ප්රශ්න එන්නේ උත්තර සඟවාගෙන බව ය. එමෙන්ම වී තමන්ට කැමති ඕනෑම මිලකට මිලදී ගැනීමට පුද්ගලික තොග රැස් කරන්නන්ට හැකියා ඇති නමුත් කිසිසේත්ම සහල් පාලන මිල නම් වෙනස් නොකරන බව ඇමතිවරයා පැවසුවේය.
ඔහු පෙන්වා දුන්නේ පාලන මිලට වී විකුණන්නේ නැති වෙළෙඳුන් සොයාගෙන ඉදිරියේ දී පාරිභෝගික සේවා අධිකාරිය පුළුල් මෙහෙයුම් ආරම්භ කර තිබෙන බවය. මේ නීතය කඩන අය සම්බන්ධව නීතිමය ක්රියාමාර්ග ඍජුව ක්රියාත්මකවන බව ද ඇමතිවරයා පැවසුවේය.
ඇමතිවරයා මෙසේ ද පැවසුවේය.
හාල් සම්බන්ධව පාලන මිලක් නිකුත් කරලා තියනවා. කවුරු කොයි මිලට ගත්තත්, ව්යාපාරිකයන්ට පුලුවන් වී කිලෝ එකක් රුපියල් එකසිය විස්සක තිහකට උනත් ගන්න. නමුත් දැනට ප්රකාශ කර ඇති සහතික මිල පිළිබද තත්ත්වය අපි වෙනස් කරන්නේ නෑ. වෙනස් කරන්නේ නෑ වගේම දැනට පාරිභෝගික අධිකාරියේ පවතින යම් යම් වෙනස්කම් කරගනිමින් යම් යම් නීතිමය පියවර ගැනීමටත් කටයුතු කරමින් තිබෙනවා. දැනට ඒ කටයුතු සිදුකරනවා ප්රමාණවත් මදි. ඉදිරියේ දී එම කටයුතු වැඩි දියුනු වේවි.
සහතික මිල
අපට දැනට තෙත වී මිලදී ගන්න හැකියාවක් නෑ. අපි තෙත වී මිලදී ගන්න ඕනත් නෑ. අපට ගන්න වෙන්නේ හැමතිස්සේම ප්රමිතිගත වි. එය තමයි අපට තියන කාර්යභාර්යය.
දැනට ප්රශ්නය බරපතලයි. දැනට රටේ ප්රධාන මාතෘකාව වෙලා තියෙන්නේත් වි මිල සම්බන්ධ ප්රශ්නය. වී මිල සම්බන්ධ ප්රශ්නයක් දැනට මේ මොහොතේ නෑ. සමහර කාලවල ඇවිත් තියනවා. අපි බලන් ඉන්නවා. තව ටික දුරක් යනකොට ඒ සම්බන්ධව ප්රශ්නත් එනවා. අන්න ඒ මොහොතේ දි තමයි අපේ මැදිහත්වීම සිදුවිය යුතු වන්නේ.
න් අලුත් සාකච්ඡාවක් ඇවිත් තියනවා මෙහෙම. සමහරු කියනවානේ වී අලෙවි මණ්ඩලයට ඇටයක්වත් දෙන්නෙ නෑ කියලා. එහෙම කියනවා. ඒක අභියෝගයක්.
එහෙම එද්දි සමහර අය අපට උත්තර යෝජනා කරමින් ඉන්නවා පොහොර සහනාධාරය ගන්නවා නම් පොහොර සහනාධාරය ගන්න අය අප ප්රකාශ කරන වී ප්රමාණයක් අපට දිය යුතුයි. ඒක තවම සාකච්ඡාවක්.
වාරිමාර්ග සපයනවා රජය. ඒ සපයන්නේ ඩඩ්ලියි රත්නයි නෙමෙයි. ඒ ජනතාවගේ සල්ලි. පොහොර සහනාධාරය දෙන්නේ ජනතාවගේ සල්ලි. එහෙනම් වී අලෙවි මණ්ඩලය ජනතාව වෙනුවෙන් යමක් කරන්න උත්සාහ කරනකොට ජනතාවගේ මුදල්වලින් පොහොර සහනාධාරය ගත්ත, වාරිමාර්ග සපයා ගත්ත ගොවියටත් වගකීමක් තියනවා සමාජය වෙනුවෙන්. එහෙම සාකච්ඡාවක් දැන් පැනනැගිලා තියනවා.
ඒක තමයි මම කිව්වෙ…. ප්රශ්න එන්නේ උත්තරත් සඟවාගෙන. අපි සාකච්ඡා කලා සියලු පාර්ශවයන් එක්ක. ඒවා ප්රකාශයට පත් කරනවා තීරණයක් ගන්න. දැනට අපි තීරණයක් අරන් නෑ. සාකච්ඡාව මතුවෙලා තියනවා. ඒ සාකච්ඡාවෙ තර්කයක් තියනවා.
වී අලෙවි මණ්ඩලයට පොදු ජනතාව වෙනුවෙන් වී තොගයක්, පොදු ජනතාවගේ බදු මුදලින් සහන ලබන කණ්ඩායමකට ඉටු කරන්න වගකීමක් තියනවා. ඒ නිසා කවුරු මේවට අභියෝග කළත්, මාෆියාකාරයො අභියෝග කළත්, සමහර ගොවි සංගම් අභියෝග කළත් අපි අධිශ්ඨානයක් හදාගමු අපි ජනතාව වෙනුවෙන් මේ අභියොග ජය ගන්නවා, ඒකට උත්තර තියනවා.
රජය ආර්ථිකයේ පංගුකාරයෙක් තමයි…. රජය ආර්ථිකයේ පංගුකාරයෙක් නොවේ කියන ප්රතිපත්තිය පරාද කරන්න ඕන. එක් පරාද කරන්න ජනවරමක් ලැබිලා තියනවා. ඒ ජන වරම නැවත නැවත තහවුරු කරගන්න ඕන.
දැන් අපට තේරේනවා ඒ ජනවරම ආපහු ඒ පැත්තට කරකවා ගන්න ඕන ජන මාධ්යයත් එහෙම උවමනාව තියන අයත් තමන්ගේ පටු උවමනාවන් වෙනුවෙන් එම මත නිශ්පාදනය කිරීම අරඹා තිබෙනවා. අපටත් පුලුවන් මත නිශ්පාදනය කරන්න. ඒ මතත් එක්ක හැප්පෙන්න. අපිට එහෙම හැප්පිලා පුරුද්දකුත් තියනවා. ඒ නිසා අපි සියලු දුෂ්ඨයින්ට කියනවා මේ වී අලෙවි මණඩලය ගන්න උත්සාහය පරාජය කරන්න අපි කාටවත් ඉඩ තියන්නේ නෑ. අපි කවුරුත් එකතු වෙලා ඒ වෙනුවෙන් වැඩ කරමු.
