විසුරුවා හැර ඇති පළාත් පාලන ආයතන නැවත කැඳවීම සම්බන්ධයෙන් ඉදිරිපත් වී ඇති යෝජනාව පිළිබඳව මෙතෙක් රජයේ අවධානය යොමුවී නොමැති බවත් අදාල යෝජනාව සිය අමාත්යාංශයට ලැබුණු පසු ඒ පිළිබඳව ඉදිරි කටයුතු විමසීමකට ලක් කරන බවත් පළාත් සභා සහ පළාත්පාලන රාජ්ය අමාත්ය ජානක වක්කුඹුර පවසයි.
පළාත් පාලන ආයතන ඡන්ද විමසීම පැවැත්වීමට නොහැකි තත්ත්වයක් මතුව ඇති බැවින් අදාළ ආයතන නැවත කැඳවීම සඳහා වු යෝජනාවක් පාර්ලමේන්තු මන්ත්රී ජයනත් කැටගොඩ විසින් පෞද්ගලික මන්ත්රී යෝජනාවක් ලෙස පසුගිය දා පාර්ලිමේන්තුවට ඉදිරිපත් කර තිබිණි.
අදාළ පනත් කෙටුම්පත මේ වන විට ගැසට් මඟින් ප්රකාශයට පත් කර ඇති අතර එය ඉදිරියේ දි පළාත් සභා සහ පළාත් පාලන අමාත්යංශය වෙත යොමු කිරීමට නියමිතව තිබේ.
අනතුරුව අදාළ පනත් කෙටුම්පත නීතිපති දෙපාර්තමේන්තුවට යොමුකර එහි නීතිමය වලංගුභාවය පිළිබඳව සොයාබලා නීති කෙටුම්පත් දෙපාර්තමේන්තුව මඟින් පනත් කෙටුම්පතක් ලෙස සකස් කළ යුතු බව රාජ්ය අමාත්ය ජානක වක්කුඹුර සඳහන් කළේය.
ඒ සඳහා කැබිනට් අනුමැතිය ලැබීමෙන් අනතුරුව කථානායකවරයා විසින් සියලු පක්ෂවල නියෝජිතයින්ගෙන් සමන්විත කමිටුවකින් අදාළ පනත් කෙටුම්පත පිළිබඳව අධ්යයනය කිරීමට නියමිතව ඇත.
මෙම ක්රියාවලිය සඳහා දීර්ඝ කාලයක් ගතවනු ඇති බව පළාත් සභා හා පළාත් පාලන රාජ්ය අමාත්ය ජානක වක්කුඹුර දෙරණ ප්රවෘත්ති අංශය වෙත ප්රකාශ කර තිබේ.
