ශ්රියානි විජේසිංහ –
පදවිය මූලික රෝහලේ විදුලි බිල නොගෙවීම හේතුවෙන් විදුලිය විසංධිකර ඇතැයි වාර්තාවේ. මෙසේ විදුලිය විසන්ධි කර ඇත්තේ රුපියල් 74000ක විදුලි බිලක් නොගෙවීම හේතුවෙන් යැයි ද පැවසේ.
විදුලිය නොමැති වීම හේතුවෙන් රෝගී සත්කාරක සේවා” මුලුමනින්ම ඇන හිට තිබේ. ඖෂධ රැස් කර ඇති ශීතකරණ ක්රියා විරහිත වි රොහලේ සියලු මූලික අවශ්යතා බිඳ වැටී ඇති බවත්, බීමට දිය පොදක් නැතිව තමන් අරසණ වී සිටින බව රෝහල් කාර්ය මණ්ඩලය පවසා තිබේ. පානීය ජල පෙරනයෙන් ජලය මුදා හැරීමට නොහැකි වීම නිසා බාහිර, මෙන්ම නේවාසික රෝගීන්ද සෞඛ්ය කාර්ය මණ්ඩලයද දැඩි අපහසුවකට පත්ව ඇත.
දිනකට පානීය ජලය ලීටර් 800 – 1000 අතර ප්රමාණයක් බෙදා හරිනු ලබන බවත් විදුලිය නොමැති වීමෙන් එම කටයුතු මුළුමනින්ම නතර වී ඇති බවත් පැවසේ.
පදවිය ප්රාදේශීය ලේකම් කාර්යාලයට මුදල් ලැබිමෙන් පසු විදුලිබල මණ්ඩලයට ගෙවන නමුත් පදවිය සහකාර ප්රාදේශීය ලේකම්වරයා පැවසුවේ විදුලිබිල ගෙවීමට තම කාර්යාලයට මුදල් ලැබී නොමැති බවය.
