ක්රමිකව පියවර වශයෙන් වාහන ආනයන සීමා ලිහිල් කිරීමේ මුල් අදියර අගෝස්තුවේ දී ආරම්භ කරන බවත් එය මැතිවරණය ඉලක්ක කරගෙන සිදුකිරීමක් නොව රටේ ආර්ථිකය ප්රසාරණය වීමේ ප්රතිඵලයක් බවත් මුදල් රාජ්ය අමාත්ය ශෙහාන් සේමසිංහ පවසයි.
අගෝස්තු මාසයේ දී මූලික අදියර යටතේ අවසර ලබා දෙන්නේ ව්යාපාර සහ ප්රවාහනයට අවශ්ය වාහන බව පෙන්වා දෙන රාජ්ය ඇමතිවරයා පුද්ගලික වාහන ආනයන අවස්ථාව ලැබෙන්නේ 2025 ජනවාරි මුල් කාර්තුවේ දී බව පෙන්වා දෙයි.
ඒ පිළිබඳ ඇමතිවරයා ප්රකාශ කරන්නේ මෙවැන්නකි.
” මේ මැතිවරණයක් ඉල්ලක්ක කර ගෙන ආපහු ආනයන සීමා පනවන තැනට රට මෙහෙයවන්න රජයකට බැහැ. එතකොට මූලිකත්වය ලබා දුන්නේ වාහන හැර අනෙක් සියලු ම සීමා ලිහිල් කළා.
වාහන සීමා ලිහිල් කිරීම සම්බන්ධයෙන් අගෝස්තු මාසේ වෙනකොට රජයේ ස්ථාවරය අදියර වශයෙන් වාහන කොහොමද ආනයනය සීමා ඉවත් කරන්නේ කියන කාරණය අපි දැනුම් දෙනවා. අපි බලාපොරොත්තු වෙන්නේ මුල් වටයට ව්යාපාර කටයුතු සහ ප්රවාහනයට අවශ්ය ඒ වාහන වලට අවසරය ලබා දෙන්න. හැබැයි අපි පෞද්ගලික වාහන පරිභෝජනය සඳහා ආනයනය කරන්න බලාපොරොත්තු වන්නේ 2025 පළමු කාර්තුවේ.”
