ඉන්දියාවේ පවතින COVID-19 තත්ත්වය පිළිබඳව ජනාධිපති ගෝඨාභය රාජපක්ෂ මහතා ඊයේ (28) දින අග්රාමාත්ය නරේන්ද්ර මෝදි මහතාට ලිපියක් යවමින් සිය දැඩි සංවේදනය හා කනස්සල්ල පළ කර තිබේ.
කොවිඩ් වසංගතයෙන් විපතට පත් ඉන්දීය ජනතාව වෙනුවෙන් මෙරට බෞද්ධ ස්වාමීන් වහන්සේලා එක්ව ‘රතන සූත්රය’ සජ්ජායනය කිරීමට සැලසුම් කර ඇති බව ජනාධිපති සිය ලිපියෙන් අගමැති මෝදි වෙත දැනුම් දී තිබේ.
අග්රාමාත්ය නරේන්ද්ර මෝදිගේ නායකත්වය යටතේ කැපවූ විශේෂඥයන්ගේ සහ වෘත්තිකයන්ගේ සහාය ඇතිව ඉන්දියාව මෙම අර්බුදය ඵලදායී ලෙස විසඳනු ඇතැයි ජනාධිපතිවරයා සිය විශ්වාසය පළ කළේය.
COVID-19 වසංගතයේ අභියෝගාත්මක කාලවලදී ශ්රී ලංකාව ඉන්දියාව සමඟ ඇති සහයෝගිතාවය, නායකත්වය ජනතාව විසින් කෘතඥ පූර්වකව අගය කරනු ලැබේ. ඉන්දීය මහ කොමසාරිස් කාර්යාලය මාධ්ය නිවේදනයක් නිකුත් කරමින් මෙසේ පවසා ඇත.
“ඉන්දියාවේ නිෂ්පාදිත එන්නත් මාත්රා 500,000 ක් මූලික පරිත්යාගයක් ලෙස ලබා දීම පිළිබඳව ජනාධිපති ගෝඨාභය රාජපක්ෂ මහතා ද ශ්රී ලංකාවේ ජනතාව වෙනුවෙන් දැඩි කෘතඥතාව පළ කළේය. එම පළමු අදියර මගින් එන්නත් වැඩසටහන දියත් කිරීමට ශ්රී ලංකා රජයට හැකි විය.
COVID -19 වසංගතය නිසා ඇති වන දැවැන්ත අභියෝගයන්ට මුහුණ දීම සඳහා ඉන්දියාව සහ ශ්රී ලංකාව එකිනෙකා සමඟ සිට ඇත. මේ සම්බන්ධයෙන් ඔවුන්ගේ සහයෝගිතාව ඔවුන්ගේ සමීප හා මිත්ර සබඳතාවලට ගැළපෙන අතර ඔවුන්ගේ ජනතාවගේ යහපැවැත්ම මෙන්ම ඔවුන්ගේ සහෝදර හා සංස්කෘතික සබඳතා තවදුරටත් වර්ධනය කරනු ඇත”
