ලොව පුරා ක්රිකට් ලොලීන්ගේ අවධානයට සහ ගෞරවයට ලක් වූ සිම්බාබ්වේ ක්රිකට් කණ්ඩායමේ හිටපු තුන් ඉරියව් ක්රීඩකයෙකු සහ විශිෂ්ට නායකු වූ හීත් ස්ට්රීක්ට පිළිකාවක් වැළඳී ඇති බව හඳුනාගෙන තිබේ.
ඔහු අක්මාවේ සහ මහා බඩවැලේ පැතිරී ගිය පිළිකාවක් වෛද්ය විශේෂඥවරුන් විසින් සොයා ගත් බව හීත් ස්ට්රීක් ප්රකාශ කර ඇත.
මේ වනවිට දකුණු අප්රිකාවේ සිය ජීවිතය ගතකරන ස්ට්රීක් පවසා ඇත්තේ ඉන්දියාවේ ඉහළම පිළිකා රෝග පිළිබඳ විශේෂඥයින් තිදෙනෙක් එකම ප්රතිකාර සැලැස්ම නිර්දේශ කර ඇති බවය.
“ඉලක්කගත පිළිකා ප්රතිකාර ඖෂධය ආරම්භ කළ නමුත් එයට එරෙහිව සටන් කර ආපසු හැරවීම ඇත්තේ බොහෝ දුරින්. ඒත් මා සුවය ලබමින් සිටිනවා.” ඔහු පවසා තිබිණි.
“ ගෞරවණීය ක්රිකට් ක්රීඩකයෙක් ලෙස ඔහු අධිෂ්ඨාන සහගතව ක්රීඩා කළ අවදියේ ප්රතිවාදීන්ට මුහුණ දුන ආකාරයට ඔහු රෝගය ඉදියේ ආත්ම වශ්වාසයෙන් සටන් කරනු ඇති.. මේ තත්ත්වය පවුලේ පුද්ගලික කාරණාවක් ලෙස පැවතීම පවුලේ කැමැත්ත බව තේරුම් ගේන ඔවුන්ගේ පුද්ගලිකත්වයට ගරු කරන ලෙස ඉල්ලා සිටිනවා” හීත් ස්ට්රීක්ගේ පවුලේ ප්රකාශකයෙක් මීට පෙර ප්රකාශයක් නිකුත් කරමින් දන්වා තිබිණි.
හීත් ස්ට්රීක් වයස අවුරුදු 31 දී ක්රිකට් ක්රීඩකයෙක් ලෙස සිය ජත්යාන්තර තරග ජීවිතයෙන් විශ්රාම ගත්තේය.
ක්රීඩා කිරීමෙන් විශ්රාම ගැනීම නිවේදනය කිරීමෙන් පසුව, ස්ට්රීක් විවිධ කණ්ඩායම් සමඟ පුහුණු කිරීමේ භූමිකාවන් භාර ගත්තේය. ඔහු පන්දු යැවීමේ පුහුණුකරුවෙකු ලෙස බංග්ලාදේශ කණ්ඩායම සමඟ සිටියේය. IPL තරඟාවලියේදී කොල්කටා නයිට් රයිඩර්ස් (KKR) කණ්ඩායමට සේවය කළේය. සිම්බාබ්වේ ක්රිකට් පුහුණු කරුවෙක් ලෙසත් ඔහු කටයුතු කළේය.
