ඊයේ (30) තරගය ඔවුන්ගේය. ශ්රී ලංකා කණ්ඩායමේ සියල්ලො ඕවර 56ක් තුළ දී ලකුණු 196කට දැවී ගියහ. හුදකලා සටනක නිරත වෙමින් සිටියේ කමිඳු මෙන්ඩිස් පමණි. කමිඳු දැවී යන්නේ 55 වැනි ඕවරයේ 3 වැනි පන්දුවේ දී ගස් එට්කින්සන් ගේ පන්දුවක් හමුවේ මිඩ් ඕෆ් කලාපයේ පන්දු රැකි වෝකර්ස් අතට උඩ පන්දුවක් දී දැවී යන විට ලකුණු 74ක් ලබාගෙන සිටියේය.
කමිඳු 55 වැනි ඕවරයේ දි ලකුණු 12ක් රැස් කළේය. ඒ හතරේ පහරක් සහ හයේ පහරක් ද සමගිනි. පන්දුව යැව්වේ ඔලි ස්ටොන් ය. ඔලි ස්ටොන් යැවූ 55 වැනි ඕවරයේ 4 වැනි පන්දුවට කමිඳු එල්ල කළ හුක් පහර කෙළින්ම ගොස් නැවතුනේ එම්.සී.සී සාමාජිකයන් සිටි ක්රීඩා ගාරයේ පහළ කොටසේය.
පන්දුව කෙලින් එම්.සී.සී මාර්ලිබොන් ක්රිකට් සමාජයේ වියපත් සාමාජිකයෙකුගේ හිස මත පතිත විය. ඔහු පන්දුව රැක ගැනීමට උත්සාහ කළ අවස්ථාවේ දී අතේ වැදී එය හිසෙහි ගැටී තිබිණි. කෙසේ නමුත් ඔහුට දැඩි අනතුරක් සිද්ධ වූයේ නැත.
කමිඳු තරගයෙන් පසු මෙම අනතුරට පත් වියපත් ක්රීඩා ලෝලියා ගැන සොයා බලා තිබිණි.
