-
අපේ ළමයි හදාගන්නත් බෑ… අධයාපන බලධාරීන්ට විදුහල්පතිනියගේ අවකල් ක්රියා ගැන කිව්වට පලක් නෑ… දෙමව්පියෝ චෝදනා කරති…
කළුතර ප්රදේශයේ ප්රධාන පෙළේ බාලිකා විදුහලක විදුහල්පතිනියට විරුද්ධව එහි දෙමව්පියන් හා ආදි ශිෂ්යා සංගමය එරෙහි වීම නිසා ගැටුමක් හටගෙන ඇතැයි වාර්තා වේ.
මෙයට හේතුව වී ඇත්තේ විදුහල්පතිනියට එරෙහිව ලිංගික චෝදනා එල්ල වී තිබීමයි. ගුරුවරයකු සමගද අයථා සම්බන්ධතාවක් පවත්වාගෙන යන ඇය ඒ සඳහා සිසුවියන් දෙදෙනකුගේ සහය ලබා ගන්නා බවත් දෙමව්පියෝ පවසති.
මීට අමතරව ප්රදේශයේ දේශපාලන බලවතෙකුගේද හයියෙන් කටයුතු කරන ඇය පසුගියදා එම ප්රදේශයේ නගර සභාවට තරග වදින අයකු පාසලට ගෙන්වා ඔහුට දේශපාලන වාසි ලැබෙන පරිදි මැතිවරණ නීති උල්ලංඝණය වන ලෙස උත්සවයක්ද සංවිධානය කොට ඇත.
දෙමව්පියන් පවසන්නේ මෙම විදුහල්පතිනියගේ කල් ක්රියාව හේතුවෙන් තම දැරියන් පවා හරි හැටි හදා ගත නොහැකි බවයි. මේ බව ඔවුන් අධ්යාපන උසස් බලධාරීන්ට පැමිණිලි කර ඇතත් ඉන් පලක් වී නොමැති බව ඔවුහු පවසති.
මීට දින දෙකකට පෙර තරුණයන් දෙදෙනකු සමග ප්රදේශයේ ලැගුම් හලකට ගිය 16 හැවිරිදි පාසල් දැරියන් දෙදෙනාද මෙම විදුහලේම 11 වෙනි ශ්රේණියේ ඉගෙනුම ලබන ශිෂ්යාවන් දෙදෙනෙකි.
සවස පන්ති යන මුවාවෙන් තරුණයන් දෙදෙනකු සමග ලැගුම් හලට ගිය මෙම ශිෂ්යාවන්ගෙන් අයකුගේ නිරුවත් මළ සිරුර ලැගුම් හල හා රේල් පාර අසළ තිබී හමු වූ පුවත මේ දිනවල මාධ්යයේ ප්රධාන මාතෘකාවක් බවට පත්ව තිබේ.