රත්නපුර රෝහලේ වෛද්යවරුන් අද(2) දිනයේදී ආරම්බ කර තිබෙන වැඩ වර්ජනය හේතුවෙන් බාහිර රෝගී අංශයන්, සායන සහ සැලසුම්කල සැත්කම් සියල්ල ඇනහිට ඇතැයි රෝහල් ආරංචි මාර්ග සඳහන් කරයි.
දෛනිකව බාහිර රෝගී අංශයට සහ සායනයන්ට රෝගීහු 800ක් පමණ සහභාගි වන අතර ශල්යාගාර 5ක සැත්කම් මුලුමනින්ම නතර වීම හේතුවෙන් රෝගීන් මහත් දුෂ්කරතවාවන් ට පත්ව ඇතැයි වාර්තාවේ.
කෙසේ නමුත් වැඩ වර්ජනය පැවතුණද හදිසි සේවාවන් සහ ජීවිතාරක්ෂක සේවාවන්වල කිසිදු වෙනසක් සිදු නොවන බවද වාර්තාවේ.
රෝහල් අධ්යක්ෂවරයාගේ අත්තනෝමතික සහ පීඩාකාරි ක්රියාකලාපයන් සම්බන්ධයෙන් සෞඛ්ය අමාත්යංශයට කළ දැනුම් දීමකට අනුව විමර්ශනයක් ආරම්බ කර ඇතත් පාරදෘශ්යභාවයෙන් සහ අපක්ෂපාතිත්වයෙන් තොරව මෙය සිදුව ඇති බැවින් එයට විරෝධය පල කරමින් මෙම සංකේත වැඩ වර්ජනය ආරම්භ කළ බව රජයේ වෛද්ය නිලධාරීන්ගේ සංගමය සඳහන් කරයි.
අධ්යක්ෂවරයා සම්බන්ධයෙන් පවතින චෝදනාවන්ගේ සාක්ෂිකරුවන්ට විවිධ බලපෑම් එල්ල කිරීමත් විමර්ශනයට අදාල ලිපිලේඛණයන් අස්ථානගත කිරිමට හා වෙනස් කිරිමත් සම්බන්ධයෙන් තොරතුරු වාර්තා වී ඇතැයි සංගමයේ මාධ්ය ප්රකාශකවරයා පවසා සිටියි.
අධ්යක්ෂවරයාව සිය තනතුරේ රදවා ගනිමින් සෞඛ්ය අමාත්යංශයේ විමර්ශන නිලධාරින් පරික්ෂණ ආරම්බ කිරීම විහිළුවක් බවත් විමර්ෂණ අවසන් වෙන තෙක් ඔහුව අධ්යක්ෂ තනතුරෙන් ඉවත් කරන ලෙස කල ඉල්ලීම් වලට සෞඛ්ය අමාත්යංශය ප්රතිචාර නොදැක්වීම බරපතල තතත්වයක් බවද සංගමය පෙන්වාදේ.
