ජාතික ධනය යොදවමින් කොළඹ 07 රීඩ් මාවතේ තුරග තරග පිටියේ මේ වනවිට නවීකරණය වෙමින් ඇති කෘතිම හොකී ක්රීඩාංගනය මැතිවරණයට පෙර විවෘත කිරීම සඳහා එම ඉදිකිරීම්වල ප්රමිතිය බරපතල ලෙස ව්යසනයට ලක් කරමින් අදාල ඉදිකිරිම් කඩිනම් කරන ලෙස කොන්ත්රාත්කාර විදේශ සමාගම වෙත ක්රීඩා සංවර්ධන දෙපාර්තමේන්තුවේ අධ්යක්ෂ ජනරාල්වරයා බලපෑම් කර ඇතැයි ද එම කඩිනම් කිරීම අනුව කොන්ත්රාත්කාර සමාගම මේ වනවිට අදාල ප්රමිතිය නොසලකා ඉදිකිරීම් කරමින් ඇතැයි ද විපක්ෂ නායක සජිත් ප්රේමදාස අද (09) පාර්ලිමේන්තුවේ දී හෙළි දරවු කළේය.
විපක්ෂ නායකවරයා පැවසුවේ මෙසේය.
එක්ස්ෆෝල් කොන්ක්රීට් යොදන්නට ඕන. ඉන් උඩින් ෂොක් ෆෑඩ් අන්ඩර් ලේයර් එකක් යොදවන්න ඕන. සාමාන්යයෙන් ක්රීඩාංගනයක් සකස් කිරීමේ දී මුලින් යෙදූ එක්ස්ෆෝල් කොන්ක්රීට් එක දින 20ක් තබා ගත යුතුයි. එසේ වියලි භාවයෙන් තබා ගැනීම සිදුනොවුනහොත් මෙම ඉදිකිරීමේ පැවැත්ම සහ කාර්ය සාධනය සම්බන්ධව ගැටලු සහගත තත්ත්වයක් ඇති වෙනවා.
එක්ස්ෆෝල් කොන්ක්රීට් දාලා තියෙන්නේ 2024.07.31 වැනිදා. අඩුම ගානෙ දින 20ක් තැබූ විට ෂොක් පෑඩ් අන්ඩර් ලේයර් එක යෙදීමට නියමිතව තියෙන්නෙ අගෝස්තු මාසයේ 19 හෝ 20 වැනි දිනයක.
නමුත් අධ්යක්ෂ ජනරාල්වරයාගේ බැලපෑම මත මේ වනවිට මේ ෂොක් පෑඩ් අන්ඩර්ලේයර් එක යොදන්න ආරම්භ කරලා තියනවා. ඒකට හේතුව මේ හොකී පිච් එක 15ට කලින් විවෘත කරන්න.
ඡන්දයක් ඉදිරියේ ඡන්දය සඳහා ලකුණු ලබා ගැනීම සඳහා ප්රමිතිය විනාශ කරමින් ජාතික ධනය ව්යසනයට ලක් කර ජාතික තලයේ ව්යාපෘතියක් අවභාවිතා කිරීම බරපතල අපරාධයක් බවත්, මේ වැරදි නොකරන ලෙස අදාල නිලධාරීන්ට උපදෙස් ලබා දෙන ලෙසත් විපක්ෂ නායකවරයා අගමැතිවරයාගෙන් සහ සභානායකවරයාගෙන් ඉල්ලා සිටියේය.
“ක්රීඩා සංවර්ධන දෙපාර්තමේන්තුවෙ අධ්යක්ෂවරයාට කියන්න මේ වැරදි වැඩ කරන්න එපා කියලා. මම හිතන්නේ නෑ ඔබ තුමන්ලා දෙන්නවත් මේව අනුමත කරනවා කියලා. මා මේ හෙළිදරව්ව කරන්නේ වගකීමකින්.”
විපක්ෂ නායකවරයා පැවසුවේය. සභානායක සුසිල් ප්රේමජයන්ත කීමේ මේ සම්බන්ධව වහාම ක්රීඩා අමාත්යාංශයට දන්වා එම කටයුතු නිසි ආකාරයෙන් සිදුකරන ලෙස උපදෙස් දෙන බව සභානායකවරයා පාර්ලිමේන්තුවට පැවසුවේය.
