රුසියාවේ ඈත පෙරදිග ගුවන් අනතුරකින් පුද්ගලයින් හතළිස් හතලිස් නව දෙනෙක් දෙනෙකු මියගොස් ඇති බව එරට අමූර් කලාපයේ ප්රධානියා අද නිවේදනයක් නිකුත් කරමින් කියා සිටියේය. ළමුන් 5 දෙනෙකු ඇතුළුව පුද්ගලයින් 49 දෙනෙකු ගුවන් යානයේ ගමන් කරමින් සිට තිබිණි.
රුසියානු-චීන දේශසීමාවේ බ්ලැගොවෙෂ්චෙන්ස්ක් නගරයේ සිට ටින්ඩා නගරය දක්වා ගමන් කරමින් සිටියදී An-24 මගී ගුවන් යානය රේඩාර් පද්ධතියෙන් අතුරුදහන් වී තිබිණි. යළි ගුවන් යානය හමුවන්නේ මොස්කව් සිට කිලෝමීටර් 7,000 කට වඩා (සැතපුම් 4,350) නැගෙනහිරින් පිහිටි ටින්ඩා නගරයේ එහි සැලසුම් කළ ගමනාන්තයට දකුණින් පිහිටි කඳු බෑවුමක ඝන වනාන්තර මධ්යයේ ගිනි ගනිමින් තිබියදී ය. අනතුරට පත් වූ යානය ටින්ඩා සිට කිලෝමීටර් 15 ක් (සැතපුම් 9) දකුණින් පිහිටා ඇති ස්ථානයක පවතින බව රුසියානු පුවත් ඒජන්සි වාර්තා කළේය.
ගලවා ගැනීමේ අංශ කියන්නේ රුසියානු නිර්මාණයක් වූ ද්විත්ව ටර්බෝ ප්රොප් ගුවන් යානයේ දැවෙන බඳ කොටස දැවෙමින් ඇති අයුරු වාර්තා වන බවය. එම යානය සයිබීරියාව පදනම් කරගත් අංගාරා ගුවන් සේවය විසින් මෙහෙයවා තිබිණි. රුසියානු රාජ්ය මාධ්ය විසින් වාර්තා කරන ලද අනතුරට ලක්වූ ස්ථානයේ පින්තූරවල දුමාරයෙන් වැසී ගිය වූ ඝන වනාන්තරයේ විසිරී ඇති සුන්බුන් දක්නට ලැබිණි.
ප්රාදේශීය ආණ්ඩුකාර වාසිලි ඔර්ලොව් පැවසුවේ ගුවන් යානයේ සිටි සියලුම මගීන් සහ කාර්ය මණ්ඩලය අනතුරින් මිය ගිය බවය. ප්රාන්තය තුළ ඔහු දින තුනක ශෝක කාලයක් ද ප්රකාශයට පත් කළේය.
හදිසි සේවාවල නම් නොකළ මූලාශ්ර උපුටා දක්වමින් රුසියාවේ ඉන්ටර්ෆැක්ස් ප්රවෘත්ති ඒජන්සිය වාර්තා කරන්නේ අනතුර සිදුවන අවස්ථාවේ අයහපත් කාලගුණික තත්ත්වයන් පැවති බවය. ගුවන් යානයේ බඳ අංකයෙන් ලබාගත් දත්ත උපුටා දක්වමින් ගුවන් යානය වසර 50 කට ආසන්න කාලයක් පැරණි බව රුසියානු ප්රවෘත්ති ආයතන කිහිපයක් වාර්තා කර තිබිණි.
අනතුරට හේතු වූ ගුවන් ගමන් ආරක්ෂණ උල්ලංඝනය කිරීම් සම්බන්ධයෙන් දැයි සෙවීමට බලධාරීන් පරීක්ෂණයක් ආරම්භ කර ඇත.
