සූරියවැව නුවන් ජයසේකර –
රුපියල් ලක්ෂ 60ක පමණ වටිනාකමකින් යුක්ත අයිස් මත් ද්රව්ය ග්රෑම් 250ක් සමග අම්බලන්තොට ජංසගමදි පුද්ගලයෙකු තංගල්ල කොට්ඨාස දූෂණ මර්ධන ඒකකයේ නිළධාරීන් විසින් අද (27) පෙරවරුවේ අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ කාලාන්තරයක සිට අයිස් මත්ද්රව්ය තොග වශයෙන් බෙදාහැරීමේ නිරතව සිටි බව කියන අම්බලන්තොට ජංසගම පදිංචි 37 හැවිරිදි පුද්ගලයෙකි.
සැකකරු සම්බන්ධයෙන් තංගල්ල කොට්ඨාස දුෂණ මර්ධණ ඒකකයේ නිළධාරීන්ට ලද තොරතුරකට අනුව මෙම වැටලිම සිදුකර ඇති අතර තංගල්ල පොලිස් කොට්ඨාශයේ සිදුකල වැටලිම් වලින් වැඩිම අයිස් මත් ද්රව්ය ප්රමාණයක් අත්අඩංගුවට ගත් ප්රථම අවස්ථාවද මෙය වන බව විමර්ශන අංශ පවසයි.
වැටලීම සිදුකරන විටත් සැකකරු නිවසේ සිට දුරකතනය ඔස්සේ අයිස් මත් ද්රව්ය බෙදාහැරීමේ ජාවාරමේ නිරතව සිට තිබේ. අත්අඩංගුවටපත් සැකකරුගෙන් සිදුකල ප්රශ්න කිරීමේදි අනාවරණය වි ඇත්තේ මෙම අයිස් මත් ද්රව්ය දැනට ඩුබායි සැඟව සිටින ජාවාරම් කරුවෙකු විසින් මෙරටට රැගෙන එන බවත් ඔහුගේ මාර්ගයෙන් මෙම මත්ද්රව්ය අලෙවි කිරිම සිදුකරන බවත්ය.
අත්අඩංගුවට පත් සැකකරු වැඩිදුර විමර්ශනය සඳහා අම්බලන්තොට පොලිසියට බාර දි ඇති අතර සැකකරු හම්බන්තොට මහේස්ත්රාත් අධිකරණයට ඉදිරිපත් කිරිමට නියමිතය.
තංගල්ල කොට්ඨාසභාර ජ්යෙෂ්ඨ පොලිස් අධිකාරි සිසිර පෙත්තතන්ත්රිගේ උපදෙස් පරිදි තංගල්ල කොට්ඨාස දූෂණ මර්ධන ඒකකයේ ස්ථානාධිපති අප පොලිස් පරික්ෂක ජයවීර, පොලිස් සැරයන් වරුන්වන (70223) රසික,(71452) ඉන්දික,(72939)සංජය ,පොලිස් කොස්තාපල් වරුන් වන (84229)සමන්,(91504)සදරුවන්,(75587)අමිල යන නිළධාරීන් වැටලීමට එක් වි තිබේ.
