ආරක්ෂක රාජ්ය අමාත්ය ප්රමිත බණ්ඩාර තෙන්නකෝන් ගේ මාමණ්ඩියට අයත් බව කියන මහනුවර නගරයේ නිවසක් බිඳ එහි තිබූ රූපවාහිනි යන්ත්රයක් සහ ගෑස් සිලින්ඩර් දෙකක් මහදවල් සොරා යෑමේ සිද්ධියක් වාර්තා වේ.
මහනුවර සුධර්මාරාම විහාරස්ථානය ආසන්නයේ පිහිටි මෙම නිවස බිඳ භාණ්ඩ සොරා ගැනීම සම්බන්ධයෙන් පරීක්ෂණ පැවැත් වූ පොලීසිය සිද්ධියෙන් පැය 24 ක් ගත වන්නට මත්තෙන් සැකකරු අත්අඩංගුවට ගැනීමට සමත්ව ඇත.
මහනුවර මහයියාව ප්රදේශයේ පදිංචි සැකකරු පෙරේදා (19) දහවල් නිවස බිඳ මෙම භාණ්ඩ සොරාගෙන තිබේ. මහනුවර සුධර්මාරාම විහාරස්ථානය ආසන්නයේ පිහිටි එම නිවස බිඳින අවස්ථාවේ නිවසේ කිසිවෙකුටත් සිට නොමැති බව පොලීසිය පවසයි.
නිවස ආසන්නයේ තිබූ වෙළෙඳ සැළක සවිකර තිබූ සී.සී.ටී.වී කැමරාවක දර්ශන ඔස්සේ පරීක්ෂණ සිදුකර සැකකරු අත්අඩංගුවට ගැනීමට පොලීසිය සමත්ව තිබේ.
මහයියාව ප්රදේශයේ පිහිටි සැකකරුගේ නිවසේ තිබී ගෑස් සිලින්ඩර් දෙක සහ රූපවාහිනි යන්ත්රය පොලීසිය විසින් සොයා ගත් බව මහනුවර ජේෂ්ඨ පොලිස් අධිකාරි චමිල් රත්නායක මහතා පවසයි
සිද්ධිය සම්බන්ධයෙන් මහනුවර පොලීසියේ අපරාධ විමර්ශන අංශය පරීක්ෂණ පවත්වයි.
