මාතෘභූමියේ නිවැරදි තීන්දු තීරණ ගන්නා කාන්තාවන් ලෙස ප පක්ෂ පසෙක දමා, එකම පවුලක් ලෙස එක් වී රනිල් වික්රමසිංහ ජනාධිපතිතුමාගේ ජයග්රහණය වෙනුවෙන් එක් විය යුතු බව වනජීවී හා වන සම්පත් සංරක්ෂණ සහ වාරිමාර්ග අමාත්ය පවිත්රා වන්නිආරච්චි පවසයි.
ඇය කියන්නේ අද බංගලාදේශය ඒ තත්ත්වයට පත් වී ඇත්තේ රනිල් වික්රමසිංහ වැනි විශිෂ්ට නායකයෙක් ඒ රටේ නැති නිසා බවත්, ඔවුන් දැන් රනිල් වික්රමසිංහ වැනි නායකයෙක් සොයමින් සිටින බවත් ඇය කියයි.
පවිත්රා දේවී වන්නිආරච්චි මේ බව ප්රකාශ කළේ රනිල් වික්රමසිංහ ජනාධිපතිවරයාගේ ජයග්රහණය වෙනුවෙන් සංවිධානය වුන “කාන්තා අපේ බලය” නමින් කොළඹ ශ්රී ලංකා ප්රදර්ශන හා සම්මේලන මධ්යස්ථානයේ අද (09) පෙරවරුවේ පැවති කාන්තා සමුළුව අමතමිනි.
ඇය සමුලුව අමතමින් මෙසේ ද පැවසුවාය.
අද මේ පැවැත්වෙන්නේ අතිශය සුවිශේෂී කාන්තා රැස්වීමක් බව පැවසිය යුතුයි. අපි මීට පෙර කාන්තා සම්මේලන පවත්වා තිබුණත් වසර 32ක දේශපාලන ජීවිතයේ බහුපාක්ෂික කාන්තා සම්මේලනයකට මා සහභාගි වන පළමු අවස්ථාව මෙයයි.
ඇයි අද අප එකට එක්ව සිටින්නේ? එයට සංවාද, විවාද, තර්ක අවශ්ය නැහැ. රූපවාහිනිය ඉදිරියට ගිහින් බංග්ලාදේශයේ තත්ත්වය දැක බලා ගත්තා නම් අපි එකතු වුණේ ඇයි කියන කාරණය පැහැදිලි වෙනවා.
බංග්ලාදේශ රාජ්ය නායිකාවගේ නිල නිවස මෙන්ම පාර්ලිමේන්තුව ද අරගලකරුවන් අත්පත් කර ගත්තා. එරට පාර්ලිමේන්තු මන්ත්රීවරුන් 20කට වැඩි පිරිසක් මේ වන විට ඝාතනය කර තිබෙනවා. ඒ අරගලකරුවන්ගේ ක්රියාකාරකම් රූපවාහිනියෙන් නරඹන විට එදා අප රටේ සිදුවුණෙත් එවැනිම දෙයක් බව පැහැදිලි වෙනවා.
බංග්ලාදේශ අරගලකරුවන් සංචාරක හෝටල්, රාජ්ය ආයතන ගිනිතබා විනාශ කළා. මුළු බංග්ලාදේශයම ගිනි ගොඩක් බවට පත් කරනු ලැබුවා. එවැනි තත්ත්වයක් තුළ අද බංග්ලාදේශය ජනාධිපති රනිල් වික්රමසිංහ වැනි නායකයෙක් සොයමින් සිටිනවා.
එදා අපට එවැනි තත්ත්වයක් උරුම නොවුණේ මේ මාතෘභූමියට ජනාධිපති රනිල් වික්රමසිංහ මහතා වැනි නායකයෙක් බිහි වූ නිසයි.
ඒ වගේම රටේ හිටපු නායකයා රටින් පිටව ගිය වෙලාවේ, මේ මාතෘභූමියේ කිසිදු ලේ වැගිරීමක් සිදු වීමට ඉඩ නොතබා රාජ්යත්වය ස්ථාපිත කරමින් රට නැවත යථා තත්ත්වයට පත් කළේ රනිල් වික්රමසිංහ ජනාධිපතිතුමායි.
මාතෘභූමියේ නිවැරදි තීන්දු තීරණ ගන්නා කාන්තාවන් ලෙස අද අප පක්ෂ පාට පැත්තකට දමා, එකම පවුලක් ලෙස එතුමාගේ ජයග්රහණය වෙනුවෙන් එකතු වී තිබෙනවා.
