ජනාධිපති රනිල් වික්රමසිංහ සහ පොදු ජනපෙරමුණේ ජාතික ලයිතු මන්ත්රී ඇමති ධම්මික පෙරේරා අතර මතුව තිබෙන ගැටුම හේතුවෙන් ඔහු සිය මන්ත්රී ධුරයෙන් ඉල්ලා අස්වීමට තීරණය කර තිබේ.
ධම්මික පෙරේරා මන්ත්රී ධූරයට පත්වන්නේ බැසිල්ගේ පුරප්පාඩු වූ මන්ත්රී ධුරයෙනි. ඔහු වෙනුවෙන් ඇමති ධූරයක් ද නිර්මාණය වූයේය.
ඔහු ඇමති ධූරයේ සිටිනා අතර පුවත්පත් සාකච්ඡාවක් පවත්වා ප්රකාශ කළේ මුදල් ඇමති ලෙස රනිල් ෆේල් බැවින් ඔහු වහාම සිය මුදල් ඇමති ධූරයෙන් ඉල්ලා අස්විය යුතු බවය.
මේ සමග එවකට අගමැති ධූරයේ සිටි රනිල් වික්රමසිංහ හිටපු ජනාධිපති ගෝඨාභය රාජපක්ෂට දන්වා සිටියේ කැබිනට් මණ්ඩලයේ ප්රධානියා තමා බවත් කැබිනට් සාමුහිකත්වය බිඳදැමූ ධම්මික පෙරරා ඇමති ධූරයෙන් වහාම ඉවත් කළ යුතු බවය .
මේ අගැටුම දුරදිග යත්ම ජූනි 23 වැනිදා මන්ත්රී ධූරයේ දිවුරුම් දී අමාත්ය තනතුර භාරගත් ධම්මික පෙරේරා පසුගිය 10 වැනිදා සිය ඇමති ධූරයෙන් ඉල්ලා අස්විය.
පසුගිය 13 දා වැඩ බලන ජනාධිපති ලෙස් දිවුරුම් දුන් අගමැති රනිල් වික්රමසිංහ සිය මුල්ම කටයුතු වලින් එකක් ලෙස ධම්මික පෙරේරාට පවරා තිබූ විෂය පථයේ සමහර කොටස් ගලවා තමන් යටතට ගත්තේය.
පොහොට්ටුවේ ජනාධිපති අපේක්ෂකයා ලෙස රනිල් ඉදිරිපත් වන්නේ මේ අතරය. ඔහුව පරාජය කළ යුතුය යන දැවැන්ත ප්රචාරණ ව්යාපෘතයක් ධම්මික පෙරේරා විසින් ගෙන යන්නේය.
එහෙත් රනිල් වික්රමසිංහ පොහොට්ටු ඡන්දයෙන් 8වන විධායක ජනාධිපතිවරයා ලෙස පත්වීමෙන් පසු ධම්මික පෙරේරාට තවදුරටත් පක්ෂය තුළ රැඳී සිටිය නොහැකි මට්ටමක් උද්ගත වී ඇතැයි වාර්තා වේ.
ඔහු සිය මන්ත්රී ධූරයෙන් ඉල්ලා අස්වීමට තීරණය කර තිබෙන්නේ මේ පසුබිම මත බව වාර්තා වේ.
ධම්මික පෙරේරා මන්ත්රී ධූරය භාරගැනීමට පෙර ව්යාපාර ගණනාවක සභාපති ධූරයෙන් ඉවත් වී පැහැර හැර තිබූ බිලියන ගණනක කැසිනෝ බදු ගෙව්වේය.
