ජාතික ලයිස්තුවේ හෝ පාර්ලිමේන්තු අපේක්ෂකයෙක ලයිසතුවේ නොමැති අයෙකුට ජාතික ලයිස්තුවෙන් පාර්ලිමේන්තුවට පිවිසෙන්නට හැකියාවක් නැතැයි මැතිවරණ කොමිසම අවධාරණය කරයි.
එම කොමිසමේ අධ්යක්ෂ ජනරාල් සමන් ශ්රී රත්නායක පැහැදිලි කරන්නේ ජාතික ලයිස්තු මන්ත්රී ධූරයක් සඳහා ජාතික ලයිස්තු නාමයෝජනාවල ඉදිරිපත් කළ නමකින් හෝ ඡන්දයට තරග කර පැරදුන අපේක්ෂකයෙකුගේ නමකින් බැහැරව වෙන පුද්ගලයෙකුගේ නමක් ගැසට් කිරීමට හැකියාවක් නැති බවය.
මෙවර මැතිවරණයට ඉදිරිපත් නොවූ නව ප්රජාතන්ත්රවාදී පක්ෂයේ නායක රනිල් වික්රමසිංහ ජාතික ලයිස්තුවෙන් හෝ පාර්ලිමේන්තුවට ගෙන ඒමට සූදානම් බවත් ඒ සඳහා ක්රම සහ විධි ඇති බවත් මැතිවරණයට පෙර එම පක්ෂයේ හිටපු පාර්ලිමේන්තු මන්ත්රී වජිර අබේවර්ධන මෙන්ම පොහොට්ටුවෙන් කැඩී ගෑස් සිලින්ඩරයට එක්වුන නීතිඥයෙක්වන ප්රේමනාත් ශ්රී දොලවත්ත විසින් ප්රකාශ කර තිබිණි.
එවැනි කිසිම අවස්ථාවක් නැති බව මැතිවරණ කොමිසමේ අධ්යක්ෂ ජනරාල්වරයා පැහැදිලි කරන්නේ මෙසේය.
“ජාතික ලයිස්තුවේ මන්ත්රිවරුන් 29 සඳහා තරග කළ දේශපාලන පක්ෂවල ලේකම්වරුන්ට දැනුම් දීලා තියනවා. ඔවුන්ට නිශ්චිතව වෙන් කරපු ජාතික ලයිස්තු මන්ත්රී ධූරවලට අනුව අපේක්ෂකයින් නම් කර එවන්න කියන එක.”
“ඒ අනුව පක්ෂයේ ලේකම්වරයාට හෝ ස්වාධීන කණ්ඩායම් නායකයාට පුලුවන් දැනට අපට භාර දිලා තියන ජාතික ලයිස්තුවේ අපට භාර දීලා තියන නම් අතරින් අදාල ප්රමාණය තෝරා එවන්න.”
“එසේත් නැතිනම් මෙම මැතිවරණය සඳහා තරග කරලා පරාජය වුන කෙනෙක් වුවත් පක්ෂයේ ලේකම්වරයාට පුලුවන් ජාතික ලයිස්තු මන්ත්රී ධූරයක් ලබා දෙන්න.”
“ජාතික ලිස්තු හෝ ඡන්ද කොට්ඨාස නාමයෝජනා පත්රයකින් බැහැර වෙන කෙනෙක් මන්ත්රී ධූර සඳහා ගැසට් කිරීමේ හැකියාවක් නෑ.” මැතිවරණ කොමිසමේ අධ්යක්ෂ ජනරාල් සමන් ශ්රී රත්නායක පවසයි.
