අපනයනය සඳහා පමණක් ත්රෛලෝක ගංජා පාදක නිෂ්පාදන සිදු කිරීම සඳහා ඒ සම්බන්ධයෙන් පත් කරන ලද විශේෂඥ කමිටුවේ නිර්දේශ මත අවශ්ය ක්රියාමාර්ග ගැනීමට මුදල්, ආර්ථික ස්ථායිකරණ සහ ජාතික ප්රතිපත්ති අමාත්යවරයා ලෙස ජනාධිපති රනිල් වික්රමසිංහ විසින් කැබිනට් මණ්ඩල අනුමැතිය තිබේ.
ඒ සඳහා ආයුර්වේද දෙපාර්තමේන්තුව සහ ශ්රී ලංකා ආයෝජන මණ්ඩලය එක්ව වැඩසටහනක් ක්රියාත්මක කිරීමට නියමිත බව වාර්තා වේ.
පවතින නීතිරීති වලට අනුකූලව ගංජා වගා කිරීම හා ඒ ආශ්රිත නිෂ්පාදන සිදු කිරීම පිළිබඳ තාක්ෂණික මාර්ගෝපදේශ ලබා දීම හා නියාමන රාමුවක් සකස් කිරීමට ආයුර්වේද දෙපාර්තමේන්තුවට පැවරෙන අතර ඒවා අපනයනයට අදාළ ශක්යතා අධ්යනයක් සිදු කිරීම, ආයෝජන සැලැස්ම තීරණය කිරීම හා ක්රියාත්මක කිරීමේ කාල රාමුව සකස් කිරිම ඇතුළුව ආයෝජකයන් සමඟ එකඟතාවකට පැමිණීමේ කටයුතු ශ්රී ලංකා ආයෝජන මණ්ඩලය වෙත පැවරෙනු ඇති බව වාර්තා වේ.
ශ්රී ලංකා ආයෝජන මණ්ඩලය යටතේ පවතින භූමියක හෝ එවැනි භුමියක් නොමැති නම් රජයට අයත් භූමියක් ආයෝජන මණ්ඩලය වෙත පවරා ගංජා වගා කිරීමට අවශ්ය පහසුකම් සලසා දීමටද රජය පියවර ගනු ඇතැයි ද සඳහන්ය.
