අද පෙරවරුවේ අපරාධ පරීක්ෂණ දෙපාර්තමේන්තුව මගින් අත්අඩංගුවට යෝෂිත රාජපක්ෂව අද (25) පස්වරුවේ අධිකරණයට ඉදිරිපත් කිරීමෙන් අනතුරුව ජනවාරි 27 දක්වා රක්ෂිත බන්ධනාගාරගත කෙරුණි.
නීතිපති උපදෙස් පිට සැකකරු බෙලිඅත්තේදී අත්අඩංගුවට ගෙන තිබුණේ, ඔහුගේ මිත්තණියක් වන ඩේසි ෆොරස්ට් නමැත්තිය හා එක්ව ලක්ෂ පන්සීයකට අධික වියදමක් කරමින් සිය මවගේ අපන් ගේ අවට ඉඩම් මිලදී ගෙන ඒ මැද සුපිරි නිවසක් ඉදිකිරීම සම්බන්ධව 2006 අංක 5 දරන මුදල් විශුද්ධිකරණය වැළැක්වීමේ පනත යටතේ ගොනු කරනු ලැබූ නඩුවකට අදාලවය. දීර්ඝ විමර්ශනයකින් අනතුරුව නඩුවට අදාළ උදෘත ගොනු අපරාධ පරික්ෂණ දෙපාර්තමේන්තුව විසින් නීතිපතිවරයා වෙත යොමු කර තිබිණි. ඒ අනුව අදාළ නඩුවේ සැකකරුවකු ලෙස යෝෂිත රාජපක්ෂ නම් කිරීමට තරම් ප්රමාණවත් සාක්ෂි පවතින බවද පොලීසිය පැවසීය.
අපරාධ පරීක්ෂණ දෙපාර්තමේන්තුවේ නිලධාරින් කණ්ඩායමක් විසින් හිටපු ජනාධිපති මහින්ද රාජපක්ෂගේ දෙවැනි පුත් යෝෂිත රාජපක්ෂව දක්ෂිණ අධිවේගී මාර්ගයේ බෙලිඅත්ත පිවිසුමේදී අද පෙරවරුවේ අත්අඩංගුවට ගනු ලැබීය.
අනතුරුව සැකකාර යෝෂිත රාජපක්ෂව අපරාධ පරීක්ෂණ දෙපාර්තමේන්තුව වෙත රැගෙන ආවේය. එහිදී පැය 4කට අධික කාලයක් ඔහුගෙන් ප්රකාශ සටහන්කර කරගනු ලැබීය. අනතුරුව අද පස්වරුවේ සැකකාර යෝෂිත රාජපක්ෂ කොළඹ අතිරේක මහේස්ත්රාත් පවිත්රා සංජීවනී මහත්මියගේ නිල නිවස වෙත ඉදිරිපත් කළේය.
