යෝජිත ක්රිකට් ව්යවස්ථාව කඩිනමින් බලාත්මක කරන ලෙස ජනාධිපතිවරයා විසින් පත් කරන ලද අලි සබ්රි වාර්තාවෙන් නිර්දේශ කර ඇතත් හිටපු ක්රීඩා අමාත්ය හරීන් ප්රනාන්දු එය පාර්ලිමේන්තුවට පනතක් ලෙස ඉදිරිපත් කිරීමෙන් වැළකී සිටීම සම්බන්ධයෙන් මේ වනවිට ක්රීඩා ක්ෂේත්රයෙන් චෝදනා එල්ල වෙමින් තිබේ.
ඔවුන් මවිත වන්නේ වත්මන් ක්රීඩා ඇමතිවරයා වන ජනාධිපති රනිල් වික්රමසිංහද මේ දක්වා ඒ පිළිබඳ කිසිදු ක්රියා මාර්ගයක් ගෙන නොමැති හුවා දක්වමිනි.
මේ අතර ජනාධිපතිවරයාගේ පූර්ව මැතිවරණ ව්යාපාර සඳහා ක්රිකට් ආයතනය අනියමින් ආධාර කර ඇති බවට ද තියුණු චෝදනා එල්ල වෙමින් ඇත.
ජාතික ජන බලවේගය සහ සමගි ජන බලවේගය ස්වකීය ප්රතිපත්ති ප්රකාශනවල ක්රිකට් ඇතුළු ක්රීඩාවල දූෂණ මැඩ පැවැත්වීම ගනු ලබන ක්රියාමාර්ග අන්තර්ග කර තිබේ.
ජාතික ජන බලවේගයේ යෝජිත ප්රතිපත්ති මාලාවේ ක්රීඩාව නංවාලීමට කර ඇති යෝජනා වල යෝජිත ක්රිකට් ව්යවස්ථාව කඩිනමින් බලාත්මක කිරීම පිළිබඳව විශේෂයෙන් සඳහන් කොට ඇත.
