දිනසේන රතුගමගේ –
යාපනයේ කොඩිගාමම් ප්රදේශයේ ඉඩමක තිබී ජීව පතරොම් 1500 ක පමණ මල්ලක් ඊයේ ( 19 ) හමු වී තිබේ.
මෙම ඉඩමේ අයිතිකරු ජල නලයක් ඇතිරීම පිණිස කාණුවක් කපමින් සිටියදී එක්වරම ප්ලාස්ටික් කොටසක් පොලොවෙන් මතු වී ඇත.
තවදුරටත් එය පරීක්ෂා කිරීමේදී පතරොම් විශාල ප්රමාණයක් තිබෙනු දැක වහාම ඒ පිළිබදව කොඩිකාමම් පොලීසියට දණුම් දී තිබේ.
පොලීසිය පැමිණ එම ස්ථානය පරීක්ෂා කොට පතරොම් සහිත මල්ල වැඩිදුර පරීක්ෂණ සඳහා රැගෙන ගොස් ඇත.
යුද සමයේදී කිසියම් කණ්ඩායමක් විසින් මෙම පතරොම් තොගය මෙම ස්ථානයේ වළ දමන්නට ඇතැයි පොලීසිය විශ්වාස කරයි.
අධිකරණ නියෝගයක් ලබා ගෙන එම පතරොම් තොගය පොලිස් විශේෂ කාර්ය බලකායේ නිලධාරීන්ගේද සහය ඇතිව විනාශ කිරීමට යාපනයේ පොලිස් බලධාරීන් පියවර ගෙන ඇත.
