ශ්රියානි විජේසිංහ-
පිලිකා රෝගීන්ට අවශ්ය ඖෂධ මිලදි ගැනීමට ඔවුන්ගේ කණ කර, ඉඩකඩම් උගසට තැබීමට සිදුව ඇති බව අපේක්ෂා රෝහලේ ප්රතිකාර ලබන පිළිකා රෝගීන් බොහෝදෙනෙකු ඇඬු කඳුලින් සදහන් කරන බව රෝහල් ආරංචි මාර්ග සදහන් කරයි.
මෙම රෝගීන්ට අවශ්ය ඖෂධ රෝහල තුළ නොමැති වීම හේතුවෙන් ඒවා පිටතින් මිලදී ගැනීමට විශාල මුදලක් රෝගීන්ට වැය කිරිමට සිදුවීම හේතුවෙන් මෙම අවාසනාවන්ත තත්ත්වය මතුව ඇතැයි සදහන්වේ.
තම පවුලේ ජීවිකාව පවත්වාගෙන යාමට තිබූ එකම කුඹුරු කැබැල්ල උගසට තැබීම හේතුවෙන් දරුපවුලම අදවන විට බඩගින්නේ සිටිමට සිදුව ඇති බව එක් පිළිකා රෝගියෙකු තමා සමග පැවසු බව එම ප්රකාශකයා සඳහන් කළේය.
කණකර උගස්කරමින් පිළිකා රෝගයට අවශ්ය ඖෂධ මිලදී ගැනීමට සිදුවීම හේතුවෙන් විශ්වවිද්යාලයට ඇතුලුවීමට සුදුසුකම්ලැබූ තම වැඩිමහල් දියණියට එම ගමනට තිත තැබීමට සිදුවූ බව දරුණු පිළිකා රෝගයකින් පෙළෙන මවක් හැඬුක ඳුලින් පවසා ඇත.
පිළිකා රෝහල මාස කීපයක සිට පවත්වාගෙන යනු ලබන්නේ පරිත්යාගශීලීන් ලබාදෙන ඖෂධ පරිත්යාගයන්ගෙන් බැවින් එම පරිත්යාගයන් ලැබෙන තෙක් බලා සිටීමට සිදුව ඇතැයිද පරිත්යාගයන් ලැබෙන්නේද ඉතා සීමිත බැවින් ඒවා ලැබුණු විගස බෙදාදීමට සිදුවන්නේ රෝගීන් කීපදෙනෙකුට පමණක් යැයිද එම ප්රකාශකයා පැවසුවේය.
වෙනදාට ලක්ෂයකින් කල පරිත්යාගයකදී රෝගීන් කීපදෙනෙකුට ප්රතිකාර කළ හැකි නමුත් අද වන විට එම මුදලින් කරන ලද පරිත්යාගයන්ගෙන් ප්රතිකාර කළ හැකිවන්නේ එක් රෝගියෙකුට හෝ දෙදෙනෙකුට පමණක් යැයිද එම ප්රකාශකයා පැවසුවේය.
ඇතැම් පිළිකා රෝගීන්ව සුව කළ හැකි බව වෛද්යවරයා පැවසුව පසුව ඔවුන්ගේ සියලුම සේසත විකුණා රෝගියාට ප්රතිකාර කලද අවසානයේ රෝගියා පිළිකාවෙන් මිය යන තත්ත්වයන් බොහෝමයක් වාර්තාවන බව ද පැවසේ.
අවසානයේ රෝගියාද ජීවිතයෙන් සමුගැනීම තුළ ජීවත්වන්නන්ට සිදුවන්නේ පාරට වැටීමට බව එම ප්රකාශකයා සිය අද්දැකීමෙන් කීවේය.
