පසුගිය පළාත් පාලන මැතිවරණයේදී ශ්රී ලංකා පොදුජන පෙරමුණෙන් තරග කර මහනුවර මහ නගර සභාවට තේරී පත්වූ නාගරික මන්ත්රී සංගීත් සිල්වාගේ මන්ත්රී ධූරය අඛණ්ඩව මාස 3ක් නගර සභා රැස්වීම් වලට සහභාගී නොවීම හේතුවෙන් අහෝසි වී ඇත.
එම පුරප්පාඩුවට ශ්රී ලංකා පොදු පෙරමුණෙන් පසුගිය පළාත් පාලන මැතිවරණයට තරග කර පරාජයට පත්වූ රෝහිත ලාල් පත් කර ඇත.
හිටපු නාගරික මන්ත්රීවරයෙකු වන ඔහු දිලුම් අමුණුගම ඇමතිවරයාගේ ආධාරකරුවෙකි.
නගරසභා රැස්වීමට අඛණ්ඩව සහභාගී නොවූ සංගීත් සිල්වා පසුගිය මැයි නව වෙනි දින මහනුවර ගෝඨාගේගමට ප්රහාරයක් එල්ල කිරීමේ සිද්ධියේ ප්රධාන සැකකරුවෙකි.
එම සිද්ධිය පාදක කරගනිමින් එදින රාත්රියේ අරගල කරුවන් පිරිසක් ඔහුගේ නිවසට පහර දෙන දී නිවස ගිනි තැබීමට උත්සාහ ගත් අවස්ථාවේ ප්රදේශවාසීන් විසින් ඔවුන්ගේ නිවාස වලට හානි වන නිසා ගිනිතැබීම වළක්වාලන ලදී.