ශ්රියානි විජේසිංහ –
මාළිගාවත්ත වකුගඩු රෝහලේ රාජකාරී ආවරණය කරන නියෝජ්ය අධ්යක්ෂවරයාගේ අත්තනෝමතික වැඩ පිළිවෙල සම්බන්ධයෙන් අපක්ෂපාතී පරික්ෂණයක් පවත්වන්නැයි ඉල්ලා රජයේ විකිරණ තාක්ෂණවේදීන් අද (21) දිනයේදී රෝහල් 140ක් ආවරණය කරමින් සංකේත වැඩ වර්ජනයක් ආරම්භ කර ඇත.
නියෝජ්ය අධ්යක්ෂවරයා අවස්ථා කීපයකදීම තම පුද්ගලික හිතවත්කම් මත සුදුසුකම් නොලත් පුද්ගලයින් රෝහල තුළට ගෙන්වා රෝගීන්ගේ විකිරණ පරික්ෂණ සිදුකර රෝගීන් විකිරණ අවදානමකට කීපවරක්ම ලක් කර ඇති බැවින් ඔහු සම්බන්ධයෙන් වහාම පරික්ෂණයක් පවත්වන්නැයි ඉල්ලා සෞඛ්ය ලේකම්වරයාට සහ සෞඛ්ය සේවා අධ්යක්ෂවරයාට කීප විටක් පැමිණිලි කළද නිසි ක්රියාමාර්ගයක් නොගත් බව රජයේ විකිරණ තාක්ෂණවේදීන්ගේ සංගමයේ සභාපති චානක ධර්මවික්රම සඳහන් කරයි.
සුදුසුකම් නොලත් පුද්ගලයින් රෝහල තුළට ගෙන්වා විකිරණ පරික්ෂණ පවත්වනු ලබන්නේ සෞඛ්ය අමාත්යංශය මගින් විකිරණ තාක්ෂණවේදීන් දෙදෙනෙකු රෝහලට අනුයුක්ත කර තිබියදී බව හෙතෙම පෙන්වාදේ.
නියෝජ්ය අධ්යක්ෂවරයාව සිය තනතුරෙන් ඉවත්කර අපක්ෂපාතී පරික්ෂණයක් පවත්වන මෙන් ඉල්ලා විකිරණ තාක්ෂණවේදීන් අද (21) ආරම්බ කර ඇති සංකේත වැඩ වර්ජනය හේතුවෙන් රෝහල්වල විකිරන පරික්ෂණ , සීටී ස්කෑන් පරික්ෂණ , MRI පරික්ෂණ කටයුතු, ඇන්ජියෝග්රෑම් පරික්ෂණ,විකිරණ භාවිතයෙන් සිදුකරන ශල්යාගාර පරික්ෂණ සියල්ලම ඇන හිටින බව චානක ධර්මවික්රම පවසා සිටියි.
මහරගම අපේක්ෂා රෝහල ඇතුළු පිළිකා ප්රතිකාර ඒකක, රිජ්වේ ආර්යා ළමා රෝහල, කාසල් වීදියේ කාන්තා රෝහල, ද සොයිසා කාන්තා රෝහල, සිරිමාවෝබණ්ඩාරනායක ළමා රෝහල තුල මෙම වැඩ වර්ජනය ක්රියාත්මක නොකරන බවද හෙතෙම අවදානරණය කරයි.
කෙසේ නමුත් මෙම ගැටලුව විසදීමට සෞඛ්ය ඇමතිවරයා හෝ මැදිහත් නොවුව හොත් වර්ජන ක්රියා මාර්ගය තවත් තීව්ර කරන බව විකිරණ තාක්ෂණ වේදීන්ගේ සංගමය අවධාරණය කරයි.
