නීතිවිරෝධී ලෙස මාලදිවයින් මුහුදු සීමාවට ඇතුළු වූ පසු මාලදිවයින් ජාතික ආරක්ෂක බලකායේ වෙරළාරක්ෂක නිලධාරීන් විසින් පසුගිය 07 වැනිදා අත් අඩංගුවට ගත් “අවිශ්ක පුතා” නැමැති බහුදින ධීවර යාත්රාව තුළ මත්ද්රව්ය කිලෝ ග්රෑම් 355කට අධික ප්රමාණයක් පවතින බව මාලදිවයින පොලීසිය නිල වශයෙන් තහවුරු කර තිබේ.
එම ධීවර යාත්රාවේ සිටි ධීවරයින් 5 දෙනෙකු ද අත්අඩංගුවට ගෙන තිබේ. ඔවුන් වයස අවුරුදු 39, 42, 28, 34 සහ 63 වයසේ පසුවන ශ්රී ලාංකිකයින්ය.
අදාළ ධීවරයින් සහ යාත්රාව සම්බන්ධයෙන් මාලදිවයින් පොලීසිය වැඩිදුර විමර්ශන සිදුකරන අතර එරට අධිකරණය විසින් ලබාගත් වරෙන්තුවකට අනුව ධීවර යාත්රාව ඊයේ (10) දිනයේ විශේෂ සෝදිසි කිරීමකට ලක්කර කිරීමේ දී මලු 24ක තිබී මෙම මත්ද්රව්ය තොගය හමුවී ඇත.
හෙරොයින් කිලෝග්රෑම් 58යි ග්රෑම් 600ක්, මෙතම්ෆෙටමින් හෙවත් අයිස් කිලෝග්රෑම් 297යි ග්රෑම් 300ක් එම මලුවල තිබී හමුවී බව වාර්තා වී තිබේ.
ශ්රී ලංකා නාවික හමුදාව, පොලීසිය සහ මාලදිවයින් ජාතික ආරක්ෂක බළකාය සහ පොලිසිය එක්ව ඒකාබද්ධව සිදුකළ විමර්ශනයකට අනුව මෙම වැටලීම සිදුකළ බව මාලදිවයින් පොලීසිය පවසයි.
මාලදිවයින් ආරක්ෂක අංභ භාරයට ගත් මෙම මත්ද්රව්ය තොගය මාලදිවයින් මුහුදු සීමාවේ දී මෙතෙක් වාර්තා වූ විශාලතම මත්ද්රව්ය වැටලීම ලෙස වාර්තා වේ.
මේ අතර මාලදිවයින් ආරක්ෂක අංශ භාරයේ සිටින ශ්රී ලාංකික ධීවරයින් පිරිස සහ මත්ද්රව්ය තොගය සම්බන්ධයෙන් එරට නීතීපතිවරයාගේ උපදෙස් මත ශ්රී ලංකාවට රැගෙන ඒමට කටයුතු කරමින් සිටින බව පොලීසිය පවසයි
