මහනුවර පොලීසියට මීටර 150ක් පමණ නුදුරින් කොළඹ වීදියේ පිහිටි අවන්හලක් තුළ පුද්ගලයෙකුට අමානුෂිකව පහර දී ඝාතනය කරන ආකාරය පිළිබඳ සී.සී.ටී.වි දර්ශන නිකුත් වී තිබේ.
මෙසේ පහර දී ඝාතනය කර ඇත්තේ මහනුවර මධ්යම වෙළෙඳ පොළේ පලතුරු වෙළඳාමේ නියුක්තව සිටි කටුකොස්තර රණවන ප්රදේශයේ පදිංචි සුජීව උදාර ප්රේමරත්න නමැති හතළිස් අට හැවිරිදි පුද්ගලයෙකි.
සිද්ධිය සී.සී.ටී.වි දර්ශනවල සටහන් වි ඇති ආකාරය පහත දැක්වේ.
මෙම ඝාතනය සම්බන්ධව මේ වනවිට පුද්ගලයින් සිව් දෙනෙකු මහනුවර පොලිසියේ අපරාධ විමර්ශන අංශය මගින සැකපිට අත්අඩංගුවට ගෙන ඇත.
මියගිය පුද්ගලයා 13 දා රාත්රියේ අවන්හල තුළ මත්පැන් පානය කරමින් සිටිය දී පුද්ගලයින් පිරිසක් සමඟ බහින්බස් වීමක් ඇතිකර ගෙන තිබෙන බවත් එය මුල්කර ගනිමින් සිදුකළ පහරදීමකින් ඔහු මරණයට පත්ව තිබෙන බවත් පොලීසිය පවසයි.
මියගිය පුද්ගලයා අවන්හල තුළ මත්පැන් පානය කරමින් සිටි තවත් පුද්ගලයින් පිරිසක් සමග බහින්බස්වීමක් ඇතිකරගෙන තිබෙන බවත් ඔහු මධ්යම වෙළඳපොළේ පලතුරු වෙළෙන්දෙක් බව දැන ගැනීමෙන් පසු එම පිරිස සමථයකට පත්ව පිටව ගොස් තිබෙන බවත් පොලිස් පරීක්ෂණ මගින් අනාවරණය වී ඇත.
පසුව හන්තාන ප්රදේශයේ උපන්දින සාදයකට සහභාගි වීම සඳහා ගොස් තිබෙන එම පිරිස එහි සිටි අයට ගැටුම සම්බන්ධව පැවසීමෙන් පසු ඔවුන් වාහනයක නැගී යළි අවන්හල වෙත පැමිණ අදාළ පුද්ගලයාට පහර දී තිබේ.
ඝාතනටය වූ පුද්ගලයා බිම දමා ඔහුගේ හිසට අතිශය අමානුෂික ලෙස පයින් ගසන ආකාරය අදාළ අවන්හලේ සී.සී.ටී කැමරා පද්ධතියේ සටහන් වී තිබිණි. පහර කෑමෙන් බරපතළ තුවාල සහිතව මහනුවර ජාතික රෝහලේ දැඩිසත්කාරය ඒකකයට ඇතුළත් කළ පුද්ගලයා දැඩි සත්කාර ඒකකයේ දී මිය ගොස් ඇත.
ඝාතනය සම්බන්ධයෙන් මහනුවර පොලිස් මූලස්ථානාධිපති ප්රධාන පොලිස් පරීක්ෂක රසික සම්පත්ගේ උපදෙස් මත පරීක්ෂණ පැවැත්වූ අපරාධාන්තයේ ස්ථානාධිපති ප්රධාන පොලිස් පරීක්ෂක නලින් ඇතුළු කණ්ඩායමක් සැකකරුවන් අත්අඩංගුවට ගෙන අධිකරණයට ඉදිරිපත් කර තිබේ.
